Stutt í leik Liðin ganga nú út á völl svo það er stutt í að leikurinn hefjist. Keflavík í dökkbláum búning, treyja, buxur og sokkar en gestirnir í ÍR í hvítum treyjum og sokkum og bláum buxum.

Sólin að brjótast fram Hér er spilað í dag, gervigrasvöllurinn við Reykjaneshöllina.Það er búið að vera þungskýjað og rigning í dag en nú er sólin að brjótast fram. Þetta er síðasti leikurinn hér í bili, kvennaliðið mætir Val á miðvikudaginn á grasinu.

Létt á milli þjálfaranna Haraldur Freyr Guðmundsson þjálfari Keflavíkur og Jóhann Birnir Guðmundsson annar þjálfara ÍR eru gamlir félagar úr Keflavíkurliðinu. Það er létt á milli þeirra meðan liðin hita sig upp fyrir átökin eins og meðfylgjandi mynd ber með sér.

Í dag er leikið á gervigrasinu við Reykjaneshöll en ég gerði mér ferð á leið á völlinn og skoðaði ástandið á aðalvelli Keflavíkur. Grasið er orðið grænt og fallegt eins og meðfylgjandi mynd ber með sér svo ég ætla að giska á að næsti leikur fari fram þar.

Leikurinn í beinni

Hvað er hann að gera í þessari deild? Sá leikmaður sem mest spenna er fyrir í Lengjudeildinni í sumar er Sami Kamel leikmaður Keflavíkur. Hann er ótrúlega góður leikmaður sem margir spyrja sig afhverju er ekki í betri deild.

Þegar Keflavík sló Breiðablik út úr Mjólkurbikarnum um daginn skoraði hann bæði mörk liðsins, og hvort hinu glæsilegra. Hvað gerir hann í leiknum í dag?

Miklar breytingar hjá Keflavík Keflavík hefur gert níu breytingar á sínum hóp síðan liðið féll úr Bestu-deildinni í fyrra en þó eru ekki margir lykilmenn þar á meðal. Þeir héldu flestum af sínum bestu.

Komnir
Ásgeir Helgi Orrason frá Breiðabliki á láni
Ari Steinn Guðmundsson frá Víði
Kári Sigfússon frá Þrótti Vogum
Mamadou Diaw frá Noregi
Rúnar Ingi Eysteinsson frá Augnabliki
Rúnar Gissurarson frá Þrótti Vogum
Jökull Máni Jakobsson frá Reyni S. (var á láni)
Óliver Andri Einarsson frá Reyni S. (var á láni)
Stefán Jón Friðriksson frá Þrótti V. (var á láni)

Farnir
Stefan Alexander Ljubicic til Skövde
Jordan Smylie til Ástralíu (var á láni hjá Haukum)
Mathias Rosenörn í Stjörnuna
Magnús Þór Magnússon hættur
Muhamed Alghoul til Króatíu
Robert Hehedosh til Króatíu
Sindri Þór Guðmundsson í Reyni S.
Viktor Andri Hafþórsson í Þrótt R.
Ísak Daði Ívarsson í Víking R. (var á láni)

   29.04.2024 15:00

Spá þjálfara og fyrirliða fyrir Lengjudeildina: 3. sæti

   29.04.2024 15:30

„Búnir að jafna okkur á því og teljum okkur vel tilbúna"

Fimm út og fimm inn hjá ÍR ÍR hefur gert nokkrar breytingar á liðinu sínu frá síðustu leiktíð, fimm hafa komið og aðrir fimm farið.

ÍR-ingar eru nýliðar í deildinni, voru að koma upp úr 2. deildinni í haust.

Komnir
Kristján Atli Marteinsson frá Þór
Marc McAusland frá Njarðvík
Marteinn Theodórsson frá ÍA
Renato Punyed frá Ægi
Hákon Dagur Matthíasson á láni frá Víkingi R.

Farnir
Ásgeir Börkur Ásgeirsson hættur
Ólafur Örn Ásgeirsson í Völsung (var á láni frá HK)
Ívan Óli Santos í Gróttu (var á láni)
Ernest Slupski í Hauka (var á láni frá Þrótti R.)
Dagur Þór Hafþórsson í FH (var á láni)

   24.04.2024 16:00

Spá þjálfara og fyrirliða fyrir Lengjudeildina: 11. sæti

   24.04.2024 16:30

„Ég hef séð flestöll liðin spila og er handviss að við getum unnið þau öll"

Fyrri viðureignir Keflavík og ÍR hafa bara einu sinni verið í sömu deild á þessari öld og hafa því bara mæst tvisvar fyrir utan leiki í Lengjubikar. Það var sumarið 2017 þegar bæði lið voru í næst efstu deild sem þá bar nafnið Inkasso-deildin.

Keflvík vann báða leikina það sumarið, þann fyrri í Breiðholtinu 16. júní 1 - 3 og þann síðari í Keflavík 24. ágúst 3 - 2.

ÍR 1 - 3 Keflavík | 16. júní 2017
Smelltu hér til að sjá textalýsinguna
0-1 Hólmar Örn Rúnarsson ('25)
1-1 Andri Jónasson ('41)
1-2 Frans Elvarsson ('67)
1-3 Jeppe Hansen ('80)

Keflavík 3 - 2 ÍR | 24. ágúst 2017
Smelltu hér til að sjá textalýsinguna
1-0 Adam Árni Róbertsson ('27)
1-1 Már Viðarsson ('41)
1-2 Renato Punyed ('45)
2-2 Jeppe Hansen ('78)
3-2 Leonard Sigurðsson ('87)

Dómarateymið Helgi Mikael Jónassson er dómari leiksins í dag. Hann er með þá Jakub Marcin Róg og Ronnarong Wongmahadthai sér til aðstoðar á línunum. Enginn skiltadómari er í dag en KSÍ sendir Hjalta Þór Halldórsson til að hafa eftirlit með störfum dómara og umgjörð leiksins.

Góðan daginn og verið velkomin í beina textalýsingu frá Reykjanesbæ. Hér mætast Keflavík og ÍR í 1. umferð Lengjudeildar karla í dag.

Leikurinn hefst klukkan 19:15 á gervigrasinu fyrir aftan Nettóhöllina.

   01.05.2024 09:00

Baddi gegn Benna - Spá fyrir 1. umferð Lengjudeildarinnar