Fótbolti.net

fös 03. maí 2024 09:53

Elvar Geir Magnússon

Klopp segir álagið glæpsamlegt: Vonaði að Amnesty myndi blanda sér í málið

Jurgen Klopp segir of mikið álag á leikmönnum ensku úrvalsdeildarinnar.

Mynd: Getty Images

Mynd: EPA

Jurgen Klopp stjóri Liverpool er bálreiður yfir leikjaáætlun liðsins og því álagi sem er á liði hans.

„Þeir dirfðust til að láta okkur spila á fimmtudegi og sunnudegi, svo kom miðvikudagur og hádegisleikur á laugardegi. Þetta er glæpsamlegt," segir Klopp.

„Ég var hreinlega að búast við því að Amnesty International myndi blanda sér í málið," bætir hann við í gamansömum tón og vísar þar í alþjóðlegu samtökin sem berjast fyrir mannréttindum um allan heim.

Ætlar aldrei aftur að horfa á TNT Sports
Sjónvarpsrétthafinn TNT Sports hafði mikið að segja varðandi leikjadagskrá Liverpool og Klopp lætur stöðina heyra það.

03.05.2024 05:55

England um helgina - Titilbarátta og Aston Villa getur tryggt Meistaradeildarsætið

„Í öllum heiminum eru það við sem fáum skemmstan tíma á milli leikja. Þetta er algjört brjálæði. Ég ræddi við TNT, sjónvarpsstöð sem ég mun aldrei horfa á aftur. Þeir sögðust borga okkur fyrir að spila fótbolta en ég sé það öðruvísi. Fótboltinn borgar þeim."

„Nú fengu strákarnir nokkra daga í frí sem er gríðarlega mikilvægt og við gátum haft almennilegar æfingar aftur, eitthvað sem við erum ekki vanir lengur. Venjulega hrösum við frá einni æfingu í aðra og svo er leikur. Æfingar hjálpa góðum þjálfurum og leikmönnum, það sýnir sig."

„Ég tel að almennt sé þetta áhugavert umræðuefni. Við sjáum Aston Villa tapa 4-2 í gær og ef þeir falla úr leik þá verður ekkert enskt lið í úrslitaleik í Evrópu. Ég horfi mikið á fótbolta. Enska úrvalsdeildin er sterkasta deild í heimi en leikmennirnir eru útkeyrðir."

Afrek að ná Meistaradeildarsæti
Liverpool, sem mætir Tottenham á sunnudag, hefur gefið rækilega eftir í síðustu leikjum og líkurnar á að liðið endi á toppi deildarinnar orðnar litlar.

„Það er afrek að ná Meistaradeildarsæti þó sjónarhornið því um tíma leit út fyrir að við gætum farið alla leið og unnið titilinn. Það gekk ekki upp en niðurstaðan er samt líklega þriðja sætið í deildinni á eftir tveimur liðum sem hafa staðið sig mjög vel. Ég veit að stærðfræðilega eru enn möguleikar," segir Klopp.

		L	U	J	T	ms:	mf:	mun	Stig
1	Man City	38	28	7	3	96	34	+62	91
2	Arsenal	38	28	5	5	91	29	+62	89
3	Liverpool	38	24	10	4	86	41	+45	82
4	Aston Villa	38	20	8	10	76	61	+15	68
5	Tottenham	38	20	6	12	74	61	+13	66
6	Chelsea	38	18	9	11	77	63	+14	63
7	Newcastle	38	18	6	14	85	62	+23	60
8	Man Utd	38	18	6	14	57	58	-1	60
9	West Ham	38	14	10	14	60	74	-14	52
10	Crystal Palace	38	13	10	15	57	58	-1	49
11	Brighton	38	12	12	14	55	62	-7	48
12	Bournemouth	38	13	9	16	54	67	-13	48
13	Fulham	38	13	8	17	55	61	-6	47
14	Wolves	38	13	7	18	50	65	-15	46
15	Everton	38	13	9	16	40	51	-11	40
16	Brentford	38	10	9	19	56	65	-9	39
17	Nott. Forest	38	9	9	20	49	67	-18	32
18	Luton	38	6	8	24	52	85	-33	26
19	Burnley	38	5	9	24	41	78	-37	24
20	Sheffield Utd	38	3	7	28	35	104	-69	16