Nicolo Zaniolo verður ekki með ítalska landsliðinu á EM í sumar. Luciano Spalletti landsliðsþjálfari hefur staðfest að útilokað sé að Zaniolo geti tekið þátt.
Zaniolo, sem spilar fyrir Aston Villa, meiddist gegn Liverpool á mánudagskvöld.
Zaniolo, sem spilar fyrir Aston Villa, meiddist gegn Liverpool á mánudagskvöld.
Evrópumótið stendur yfir í Þýskalandi frá 14. júní til 14. júlí.
„Ég hef rætt við Zaniolo og það er hægt að útiloka möguleikann á því að hann geti verið með," segir Spalletti.
Zaniolo, sem er 24 ára, hefur verið feikilega óheppinn með meiðsli og missti af því þegar Ítalía vann EM 2020. Hann er í eigu Galatasaray en lék með Aston Villa á lánssamningi á þessu tímabili.
Hann náði ekki að hafa mikil áhrif hjá Villa og skilaði þremur mörkum í 39 keppnisleikjum.
Athugasemdir
