Gunnar Þorsteinsson er spámaður 9.Umferðar Inkasso deildarinnar og þetta er dómurinn sem hann kvað yfir þennan leik.

Njarðvík 1 - 0 Haukar
Gengi beggja liða hefur verið brösugt að undanförnu. Njarðvíkingar bíta frá sér eftir fjögurra leikja taphrinu og koma með sannkallaðan Suðurnesjameðbyr inn í bikarleikinn gegn Vesturbæingum. Liðunum hefur gengið illa að koma knettinum í mark andstæðinganna en fyrirliðinn og tölvunarfræðingurinn eldknái Andri Fannar Tótatrúðsson mokar knettinum yfir línuna eftir darraðadans í teig Hauka.

Haukar hafa aftur á móti eftir erfiða byrjun verið hægt og bítandi verið að rétta sig við en þeir eru með 4 stig úr síðustu 4 leikjum og geta með sigri í dag komist úr fallsæti og á sama tíma sett gestgjafana í Njarðvík í fallsætið.
Haukar töpuðu naumlega fyrir Leiknismönnum í síðustu umferð 1-2.

Njarðvíkingar hafa vægt til orða tekið ekki verið á góðu skriði undanfarið en þeir hafa tapað síðustu 4 leikjum sínum og núna síðast fóru Afturelding með sigur heim frá Rafholtsvellinum á fimmtudaginn var þegar þeir sigruðu heimamenn 0-2.
Þá má einnig minnast á að Njarðvíkingar eiga enn eftir að rífa fram markaskónna á heimavelli en þeir hafa ekki enn tekist að skora á heimavelli í sumar sem verður að seint talið vænlegt til árangurs.

Þessum leik var flýtt fyrir Njarðvíkinga vegna þáttöku þeirra í 8 liða úrslitum Mjólkurbikar Karla en þeir etja kappi við KR næstkomandi fimmtudag eða um það leiti sem þessi 9.Umferð ætti að vera byrja.
Óskum Njarðvíkingum aðsjálfssögðu til hamingju með flottan árangur þar og góðs gengis í leiðinni á fimmtudaginn.

Heil og sæl lesendur góðir og verið hjartanlega velkomin/nn í þessa beinu textalýsingu frá leik Njarðvíkur og Hauka í Inakasso deild karla.