Haukar
1
2
FH
Sæunn Björnsdóttir '24 , misnotað víti 0-0
0-1 Selma Dögg Björgvinsdóttir '42
0-2 Birta Georgsdóttir '68
Elín Björg Símonardóttir '70 1-2
25.06.2019  -  19:15
Ásvellir
Inkasso deild kvenna
Dómari: Uchechukwu Michael Eze
Maður leiksins: Margrét Sif Magnúsdóttir
Byrjunarlið:
18. Chante Sherese Sandiford (m)
Heiða Rakel Guðmundsdóttir ('79)
7. Erna Margrét Magnúsdóttir
11. Erla Sól Vigfúsdóttir ('74)
15. Ísold Kristín Rúnarsdóttir
16. Sierra Marie Lelii
19. Dagrún Birta Karlsdóttir (f)
21. Kristín Ösp Sigurðardóttir ('63)
22. Sigurrós Eir Guðmundsdóttir
23. Sæunn Björnsdóttir
30. Tara Björk Gunnarsdóttir

Varamenn:
1. Selma Líf Hlífarsdóttir (m)
3. Theódóra Hjaltadóttir
5. Helga Ýr Kjartansdóttir
9. Regielly Oliveira Rodrigues ('74)
17. Sunna Líf Þorbjörnsdóttir ('79)
20. Mikaela Nótt Pétursdóttir
25. Elín Björg Símonardóttir ('63)

Liðsstjórn:
Jakob Leó Bjarnason (Þ)
Guðrún Jóna Kristjánsdóttir (Þ)
Hildigunnur Ólafsdóttir
Helga Helgadóttir
Árni Ásbjarnarson
Hulda Björk Brynjarsdóttir
Svandís Ösp Long

Gul spjöld:
Ísold Kristín Rúnarsdóttir ('86)
Regielly Oliveira Rodrigues ('90)

Rauð spjöld:
Leik lokið!
FH-ingar hreinsa og Michael flautar af í alvöru grannaslag!

Ég ætla að kalla þetta gott í bili. Minni á viðtöl og skýrslu hér á eftir.
93. mín Gult spjald: Andrea Marý Sigurjónsdóttir (FH)
Tekur eitt fyrir liðið þegar hún togar Regielly niður við miðjulínu. Síðasti séns fyrir Hauka að ná sér í stig. Sæunn tekur aukaspyrnuna og setur boltann inn á teig...
93. mín
FH-ingar fá horn. Taka stutt og reyna að vinna tíma uppí horni. Klassískt bara.
92. mín
Aníta vel með á nótunum og grípur fyrirgjöf Sunnu Lífar á fjær. Háspenna hér í lokin.
90. mín Gult spjald: Regielly Oliveira Rodrigues (Haukar)
Fer í bókina fyrir að fara aftan í Evu Núru sem var að komast á ferðina. FH fær aukaspyrnu og reyna að spila þannig úr henni að þær vinni tíma. Ákafir Haukar eru þó fljótar að vinna af þeim boltann.
88. mín
Tíminn vinnur með FH sem fær dæmda aukaspyrnu rétt við miðjuhringinn. Andrea Marý reynir að setja boltann inn á teig en Haukar hreinsa.
86. mín Gult spjald: Ísold Kristín Rúnarsdóttir (Haukar)
Ísold og Eva Núra lenda saman í tæklingu, Ísold virðist aðeins of sein í þetta skiptið og uppsker spjald.
83. mín
Margrét Sif vinnur boltann af Dagrúnu rétt utan vítateigs, reynir svo skot sem fer rétt yfir.
82. mín
Inn:Aldís Kara Lúðvíksdóttir (FH) Út:Birta Georgsdóttir (FH)
FH-ingar reyna að drepa leikinn niður með enn einni skiptingunni. Það verður gaman að sjá hvort að Aldís Kara nái að hrella varnarmenn Hauka hér í lokin.
79. mín
Ísold brýtur á Birtu einhverjum 25 metrum frá marki. Margrét Sif tekur aukaspyrnuna og reynir skot sem dettur ofan á þaknetið.
79. mín
Inn:Sunna Líf Þorbjörnsdóttir (Haukar) Út:Heiða Rakel Guðmundsdóttir (Haukar)
Liðin eru samstillt í skiptingunum og taka þær á sama tíma. Fullt af ferskum fótum til að klára leikinn.
79. mín
Inn:Andrea Marý Sigurjónsdóttir (FH) Út:Ingibjörg Rún Óladóttir (FH)
76. mín
Inn:Erna Guðrún Magnúsdóttir (FH) Út:Birta Stefánsdóttir (FH)
Erna Guðrún leysir Birtu af í hægri bakverðinum.
74. mín
Inn:Regielly Oliveira Rodrigues (Haukar) Út:Erla Sól Vigfúsdóttir (Haukar)
Önnur skipting hjá Haukum. Hin unga Erla Sól búin að standa sig virkilega vel í dag. Regielly leysir hana af. Fer á vinstri kantinn.
73. mín
Sæunn brýtur af sér og FH fær aukaspyrnu úti til hægri. Margrét Sif á enn eina góða sendinguna fyrir en Maggý nær ekki að stýra skallanum á rammann.

Aftur munar svo litlu að Elín Björg komist í gegn hinumegin.

Þetta er fjörugt.
71. mín
Þetta er endanna á milli og aftur fær FH hornspyrnu. Sóknin endar á því að Heiða Rakel bjargar skoti FH-inga á marklínu!

Strax í næstu sókn er Elín Björg næstum sloppin í gegn hinumegin.
70. mín MARK!
Elín Björg Símonardóttir (Haukar)
Stoðsending: Sierra Marie Lelii
Þvílík skemmtun sem þessi leikur er!

Varamaðurinn Elín Björg minnkar hér muninn fyrir Hauka þegar hún skallar fyrirgjöf Sierru í markið!

Virkilega vel gert hjá sóknarmanninum unga.
68. mín MARK!
Birta Georgsdóttir (FH)
MAAAARK!

Birta Georgs sleppur í gegn og kemur FH í 2-0!
66. mín Gult spjald: Margrét Sif Magnúsdóttir (FH)
Margrét er fyrst í bókina. Ég sá ekkert hvað hún gerði af sér. Brjálað að gera á lyklaborðinu!
65. mín
Ísold vinnur horn fyrir Hauka. Sæunn setur boltann fyrir en Ingibjörg er sterk í loftinu sem fyrr og skallar frá!

FH geysist í skyndisókn og eru komnar 6 á móti 2! Mér sýnist það vera Helena sem kemst í gott skotfæri inná teig. Kemur boltanum framhjá Chante en varnamaður Hauka nær að komast fyrir! Þaðan dettur boltinn til Selmu Daggar sem kemur honum yfir marklínuna en er dæmd rangstæð!

Ómögulegt að segja til um hvort þetta hafi verið rétt en þvílíkur hraði á FH liðinu í skyndisókninn!
63. mín
Inn:Elín Björg Símonardóttir (Haukar) Út:Kristín Ösp Sigurðardóttir (Haukar)
Haukar gera einnig sína fyrstu skiptingu.
63. mín
Inn:Þórey Björk Eyþórsdóttir (FH) Út:Nótt Jónsdóttir (FH)
Fyrsta skipting FH.
56. mín
Ekkert markvert að gerast akkúrat núna. Síðustu sendingarnar hafa verið að svíkja Hauka og þær búnar að vera svolitlir klaufar þegar þær nálgast síðasta vallarþriðjunginn. Aftur á móti fínn kraftur í þeim rauðu þessa stundina.
51. mín
FH reynir annað skot fyrir utan. Nú átti Birta ágæta tilraun en nær ekki nægilegum krafti í skotið sem Chante ver.
48. mín
Hinumegin vinna FH-ingar enn eitt hornið. Helena tekur en Erna Margrét skallar í annað horn. Aftur tekur Helena og aftur skallar Erna aftur fyrir.

Þriðja hornið. Í þetta skiptið skallar Ísold frá og mér sýnist það vera Helena sem reynir skot eftir frákastið en það er laust og beint á Chante.
47. mín
Ágætur séns hjá Haukum. Sæunn flikkar boltanum inná teig á Sierru. Hún reynir að snúa en er undir pressu og finnur ekki almennilegt skot á markið. Hefði getað orðið hættulegt.
46. mín
Leikur hafinn
Seinni hálfleikur er hafinn. Hvorugur þjálfarinn gerir breytingu á sínu liði.
45. mín
Hálfleikur
Þetta er nú meiri leikurinn!

FH-ingar byrjuðu virkilega vel. Létu boltann ganga vel sín á milli og voru fljótar að vinna hann aftur með öflugri pressu þegar Haukar reyndu að komast inn í leikinn.

Það varð svo mjög áhugaverður viðsnúningur eftir korter eða svo en þá fengu Haukar tvö DAUÐAFÆRI á skömmum tíma sem ekki nýttust. Þriðja dauðafærið kom svo þegar Haukar fengu dæmda vítaspyrnu á 24. mínútu. Aníta gerði þá vel í að verja slaka spyrnu Sæunnar.

Eftir vörsluna jafnaðist leikurinn töluvert þar til á lokamínútum hálfleiksins þegar FH-ingar hertu aftur tökin og fóru að ná að láta boltann rúlla á ný. Selma Dögg náði svo forystunni fyrir FH með langskoti.

Staðan því 0-1 fyrir FH í hálfleik eftir mikinn baráttu hálfleik þar sem spennustigið er hátt.
45. mín
Fyrri hálfleikurinn endar á því að FH-ingar fá enn eina hornspyrnuna en þessi er slök og ekkert verður úr.
42. mín MARK!
Selma Dögg Björgvinsdóttir (FH)
Selma Dögg er búin að koma FH yfir!

Hún er í miðjuhringnum þegar hún sér að Chante er framarlega í markinu og lætur bara vaða. Nær að setja boltann yfir Chante og í markið!

Vel gert hjá Selmu en Chante tekur þetta á sig.
38. mín
Hættuleg sókn Hauka endar á því að Heiða Rakel vinnur horn. Sæunn á fína spyrnu fyrir en Maggý skallar frá.

Eva Núra fékk tiltal frá dómaranum í aðdraganda hornspyrnunnar. Hún er búin að skella sér í þónokkrar rennitæklingar við litla hrifningu Haukafólks sem hefur kvartað frá fyrstu tæklingu. Eva hefur þó ekki ennþá brotið af sér þó nokkrar tæklingarnar hafi verið full ógnandi.
34. mín
FH-liðið virðist aftur vera að ná takti í sinn leik. Helena var að reyna viðstöðulaust skot sem var beint á Chante og gestirnir voru svo dæmdar rangstæðar eftir álitlega sóknaruppbyggingu.
32. mín
Þetta hefur verið eintóm barátta síðan Aníta varði vítið en nú fær FH tækifæri. Þær fá aukaspyrnu hægra megin. Margrét Sif á flottan snúningsbolta inná markteig. Þar er Eva Núra í baráttunni og skallar í varnarmann og aftur fyrir.

Chante má svo hafa sig alla við í hornspyrnunni og gerir vel í að blaka hörkuskalla Ingibjargar aftur fyrir.

FH-ingar fá þó ekki aðra hornspyrnu því þær eru dæmdar brotlegar.
24. mín Misnotað víti!
Sæunn Björnsdóttir (Haukar)
ANÍTA VER!

Markvörðurinn ver slaka spyrnu Sæunnar og FH-ingar hreinsa upp frákastið!

Þetta er alvöru leikur!
23. mín
VÍTI!

Haukar fá vítaspyrnu þegar skot Kristínar Aspar virðist fara í höndina á Maggý. Ég sá þetta ekki nógu vel. FH-ingar eru brjálaðir en líklega var þetta rétt.
22. mín
Nú fær Dagrún tiltal eftir brot á Margréti Sif á miðjum vallarhelmingi Hauka. Ég hefði viljað sjá Michael lyfta spjaldi þarna líka. Mikilvægt að leggja línurnar í svona miklum hitaleik.

Margrét Sif tekur spyrnuna sjálf. Reynir skot en setur boltann aðeins yfir. Fín tilraun samt.
19. mín
Úff!

Þarna var Maggý STÁLHEPPIN!

Á stórhættulega tæklingu með takkana vel á undan sér og er í raun heppin að hitta ekki Erlu Sól úti á miðjum velli.

Glórulaus tækling og enn skrítnara að Michael dómari hafi sleppt því að lyfta spjaldi.
17. mín
Það er mjög mikil ákefð í þessu hér í byrjun. Hátt spennustig eins og við var að búast og hart barist.
16. mín
Og AFTUR!

Annað dauðafæri hjá Haukum!

Sæunn sendir Kristínu upp í vinstra hornið. Hún finnur svo Sierru í teignum. Sierra á flotta hreyfingu og nær að leggja boltann fyrir sig í skot en bregst þá bogalistin og setur boltann hátt yfir!
14. mín
DAUÐAFÆRI!

Heiða Rakel nær að bera boltann upp fyrir Hauka þegar hún brýst upp hægri kantinn. Lítur upp og sér Kristínu Ösp koma á ferðinni inná teig frá vinstri. Sendir geggjaðan bolta í hlaupið hjá Kristínu sem er komin ein í gegn en Aníta gerir sig stóra og nær að verja!
13. mín
FH-liðið er að láta boltann ganga vel og mæta ákafar í pressu í hvert skipti sem Haukar reyna að byggja upp spil.
11. mín
FH-ingar eru að byrja þetta betur og voru að vinna annað horn. Það kemur stórhættulegur bolti fyrir en Dagrún Birta gerir virkilega vel í að skalla frá.
9. mín
Önnur þung sókn FH-inga og Haukakonur í nauðvörn í eigin teig. Henda sér fyrir að minnsta kosti þrjár skottilraunir áður en Helena er dæmd rangstæð.
5. mín
Liðin eru búin að vera að þreifa fyrir sér fyrstu mínúturnar en fyrsta almennilega færið er gestanna. Margrét Sif kemst þá í álitlega stöðu í teignum en Chante ver frá henni í horn.

Það skapast mikil hætta eftir hornspyrnuna. Mér sýnist það vera fyrirliðinn Maggý sem vinnur skallann en Haukakonur bjarga á línu.
1. mín
Leikur hafinn
Við erum farin af stað. Rauðklæddar heimakonur byrja og leika í átt að íþróttahúsinu.
Fyrir leik
Það er allt að verða klárt hér á Ásvöllum. Fínasta fótboltaveður. Léttskýjað og létt hliðargola.

Byrjunarliðin eru klár eins og sjá má hér til hliðar. Jakob Leó gerir tvær breytingar á liði Hauka frá 1-0 tapi gegn ÍA í síðustu umferð. Fyrirliðinn Rún er fjarri góðu gamni og Elín Björg fer á bekkinn. Þær Heiða Rakel og Erla Sól koma inn í liðið í þeirra stað.

Hjá FH gerir Guðni eina breytingu. Ingibjörg Rún kemur inn í liðið fyrir Andreu Marý sem er á bekknum.
Fyrir leik
Liðunum tveimur var spáð tveimur efstu sætum Inkasso-deildarinnar í árlegri spá þjálfara og fyrirliða hér á Fótbolta.net.

Eftir 5 umferðir eru FH-ingar í 3. sæti með 10 stig en Haukar í 7. sæti með 6 stig. Stigasöfnunin eflaust undir væntingum hjá báðum liðum og mikilvægt að vinna hér í kvöld.

Haukar hafa þegar tapað 9 stigum en sigur kemur þeim aftur í efri hlutann. FH getur hinsvegar komist í 1. eða 2. sætið með sigri þar sem að toppliðin tvö, Þróttur og ÍA spila á sama tíma.

Styrkur liðanna, staðan í deildinni og sú staðreynd að um grannaslag er að ræða ætti að vera uppskrift að frábærri skemmtun.
Fyrir leik
Liðin mættust síðast í febrúar og gerðu þá 1-1 jafntefli á Faxaflóamótinu. Þar áður öttu liðin kappi sumarið 2017 þegar þau léku bæði í efstu deild. FH hafði þá betur í báðum viðureignum liðanna.
Fyrir leik
Góðan og blessaðan daginn og verið hjartanlega velkomin í beina textalýsingu frá Hafnarfjarðarslag Hauka og FH í Inkasso-deildinni.

Framundan er mikil veisla en Uchechukwu dómari mun flauta til leiks hér á Ásvöllum kl.19:15.
Byrjunarlið:
25. Aníta Dögg Guðmundsdóttir (m)
Selma Dögg Björgvinsdóttir
3. Nótt Jónsdóttir ('63)
4. Ingibjörg Rún Óladóttir ('79)
5. Margrét Sif Magnúsdóttir
8. Valgerður Ósk Valsdóttir
15. Birta Stefánsdóttir ('76)
18. Maggý Lárentsínusdóttir
19. Helena Ósk Hálfdánardóttir
20. Eva Núra Abrahamsdóttir
28. Birta Georgsdóttir ('82)

Varamenn:
1. Þóra Rún Óladóttir (m)
25. Björk Björnsdóttir (m)
6. Úlfa Dís Kreye Úlfarsdóttir
11. Ragna Guðrún Guðmundsdóttir
21. Þórey Björk Eyþórsdóttir ('63)
23. Andrea Marý Sigurjónsdóttir ('79)

Liðsstjórn:
Guðni Eiríksson (Þ)
Aldís Kara Lúðvíksdóttir
Erna Guðrún Magnúsdóttir
Melkorka Katrín Fl Pétursdóttir
Snædís Logadóttir
Árni Freyr Guðnason
Elín Rós Jónasdóttir

Gul spjöld:
Margrét Sif Magnúsdóttir ('66)
Andrea Marý Sigurjónsdóttir ('93)

Rauð spjöld: