Maguire er einn heitasti bitinn á markaðnum en hann hefur verið með betri varnarmönnum ensku deildarinnar síðustu ár og var þá magnaður með enska landsliðinu á HM í Rússlandi á síðasta ári.

Manchester City og Manchester United hafa sýnt Maguire mikinn áhuga í sumar og vilja þau ólm fá hann en Leicester er búið að hafna tveimur tilboðum frá félögunum í leikmanninn.

Maguire hefur tilkynnt Leicester að hann vilji fara frá Leicester en félagið vill fá allt að 80 milljónir punda fyrir hann.

Rodgers kom þá inná það að Leicester ætli ekki að selja hann á tombóluverði.

Brendan Rodgers has told me Leicester rejected two bids that didn’t meet their valuation of Harry Maguire. Mentioned Manchester City and Manchester United. He, the club and the players relaxed about it.

— Jason Bourne 🗣🎙📻 (@JasonBourne1986) July 16, 2019