Sveinn Óli Birgisson, fyrirliði Magna á Grenivík, var gríðarlega ánægður með 3-0 sigur liðsins á Keflavík í kvöld en þetta var annar sigur liðsins á tímabilinu.
Lestu um leikinn: Keflavík 0 - 3 Magni
Magnamenn hafa ekki átt neitt sérstaklega góðu gengi að fagna þrátt fyrir að liðið sé taplaust á heimavelli í deildinni. Liðið hefur unnið einn leik heima og gert fjögur jafntefli.
Liðið tapaði vissulega heimaleiknum sínum gegn Keflavík en sá leikur fór fram í Boganum og því ekki spilaður í gryfjunni á Grenivík.
„Það er svosem ekki spurt að því alltaf hvernig þetta er sótt. Við erum þéttir loksins og búnir að fá ófáa skellina í sumar á útivöllum og alltaf talað um að reyna að þétta raðirnar og gera betur en það tókst í dag. Rosalega þungu fargi af okkur létt," sagði Sveinn Óli við Fótbolta.net
„Ég veit það ekki. Við erum að koma úr leik á móti Þór þar sem við þéttum raðirnar og gerðum vel en við erum búnir að liggja mikið yfir því hvað veldur. Þetta var líka svona síðasta sumar á útivöllum, unnum einn leik þá og viðurkennum að við höfum ekki haft nein svör."
„Bara mjög vel og stutt í næsta. Við erum taplausir heima og við þurfum að reyna að sækja punkta þar. Við erum vonandi komnir betur inn í pakkann og við tókum ekki nema sex stig í fyrri umferðinni í fyrra og erum komnir með sjö núna."
„Það væri ótrúlegt. Við fórum upp úr fallsæti einu sinni fyrir lokaleikinn í fyrra í 20 mínútur. Það er heima næst og áfram gakk, það er vinna 7 í fyrramálið en það er auðveldara að mæta núna með þrjú stig á bakinu," sagði hann í lokin.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir