Venni Páer
Venni Páer
sun 03.júl 2016 12:43 Venni Páer
Samningar í höfn Það gleður mig að tilkynna að samningar hafa tekist við Frakka. Upphaflega hugmynd mín um að samið yrði um 1-0 sigur Íslendinga án þess að leikurinn yrði spilaður varð þó ekki lendingin þar sem Frakkarnir vildu fá eitthvað fyrir sinn snúð og fannst líka óþægilegt að þurfa að endurgreiða þá miða sem þegar höfðu selst. Nú rétt fyrir hádegi náðust að lokum samningar um 2-1 sigur Íslands og að leikið yrði í 7 manna liðum í 2x15 mínútur, en sá leiktími ætti að nýtast íslenska liðinu vel sem æfing fyrir framlenginguna gegn Þjóðverjum í næsta leik. Meira »
fim 30.jún 2016 14:26 Venni Páer
Skilaboð til Arons Einars Sæll Aron. Ég skrifa þér þar sem þú ábyrgðaraðili drengjanna í liðinu og átt sem slíkur að fá öll mikilvæg skilaboð fyrstur manna. Þar sem við erum báðir leiðtogar ættum við að skilja hvorn annan og því ætla ég ekki að flækja hlutina heldur vinda mér beint að efninu og tala hreint út án málalenginga eða útúrsnúninga sem mér hættir stundum til að gera þegar mikið liggur undir eða jafnvel þegar ekki svo mikið liggur undir og ég festist bara í einhverri langri setningu sem ég á erfitt með að koma mér útúr á eðlilegan hátt. Meira »
þri 29.sep 2015 16:30 Venni Páer
Chelsea Það kæmi mér ekkert á óvart ef þetta lið yrði í basli framan af vetri en nái síðan að rétta aðeins úr kútnum þegar líður á næsta sumar. Liðinu hefur reyndar gengið betur en ég átti von á og á hrós skilið fyrir að hafa náð að halda WBA, Bournemouth og Stoke fyrir neðan sig fram að þessu. Ég geri mér grein fyrir að einhverjir eru mér hugsanlega ósammála en munurinn liggur í því að ég hef rétt fyrir mér. Meira »
þri 08.sep 2015 13:41 Venni Páer
Aston Villa/Birmingham Hversvegna það er ekki búið að sameina þessi tvö lið frá Birmingham í eitt alvöru lið skil ég ekki. Það þarf ekki að leita langt yfir skammt til að sjá ávinningin af þvílíku. Meira »
fös 04.sep 2015 20:00 Venni Páer
Færri orð, minni ábyrgð Hér heldur áfram hárnákvæm og fordómalaus upptalning mín á áhugaverðum hlutum um liðin í ensku Úrvalsdeildinni. Meira »
mán 31.ágú 2015 14:00 Venni Páer
Til fótboltaáhugamanna Nú er nokkuð langt um liðið síðan ég skrifaði seinasta pistil á þessari síðu eins og öllum er ljóst. Gæði síðunnar hafa augljóslega beðið talsverðan skaða og sé ég mig því tilneyddan gegn umtalsverðri þóknun að taka upp þráðinn að nýju. Í stað þess að einblína bara á nokkur lið í deildinni ætla ég að skrifa um sum þeirra. Meira »
fös 18.apr 2014 17:00 Venni Páer
Áríðandi til Gylfa Sig Sæll Gylfi.

Næsti andstæðingur okkar heitir Stoke. Eins og samið var um þá hef ég náð að "safna" talsverðum upplýsingum sem ættu að nýtast okkur í leiknum. Traust stöff, allt að sjálfsögðu þráðbeint frá Mr. AEG eins og venjulega. Meira »
fim 17.apr 2014 15:30 Venni Páer
Lélega vídeóleigan í norður London Fyrir nokkrum árum horfði ég á þætti sem heita Lost. Ég eyddi í það 85 klukkutímum sem ég hefði annars getað nýtt í að láta Bjössa gera armbeygjur og höfrungahlaup (reyndar kom hann einu sinni í heimsókn til mín þegar ég var að horfa og þá lét ég hann standa á haus á meðan en það var reyndar bara tilraun til þess að gá hvort það væri einhver glóra í þáttunum frá öðru sjónarhorni). Þegar þáttaröðinni lauk leið mér eins og ég hefði verið að horfa á 85 klukkutíma langan Arsenal leik sem lýkur með sigurmarki þeirra á seinustu sekúndunni í uppbótartíma. Meira »
fim 03.apr 2014 10:00 Venni Páer
Opið bréf til Tim Sherwood, yfirþjálfara Tottenham Til þess er málið varðar, sem er Tim Sherwood.

Sæll Tim.
Það má með sanni segja að það blæs ekki byrlega hjá okkur í ár. Nú er ég ekki að segja að það sé allt þér að kenna, alls ekki, en við vitum það báðir að það er samt raunin. Ég hef haldið með Tottenham frá því að ég var 6 ára þannig að það má segja að ég sé á 35. tímabilinu mínu með liðið. Þessi reynsla mín gerir það að verkum að ég sé vankantana á liðinu sem ég ætla hér að deila með þér í stuttu máli: Meira »