Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 23. maí 2015 14:30
Eyþór Ernir Oddsson
Heimild: Heimasíða Arsenal 
Arteta: Höfum bætt okkur mikið
Mynd: Getty Images
Mikel Arteta, fyrirliði Arsenal segir að liðið sé búið að bæta sig mikið á þessu leiktímabili, bæði innan sem utan vallar.

Arteta hefur lítið tekið þátt á þessu tímabili vegna meiðsla en Arsenal eru öruggir í Meistaradeildarsæti fyrir næsta tímabili og í nokkuð góðri stöðu til að tryggja sér þriðja sætið í deildinni.

„Þegar ég lít til baka á tímabilið finnst mér við hafa spilað magnaðan fótbolta. Mér líkaði við fyrri hálfleikinn okkar heima gegn Liverpool sem og sigurleikinn gegn Manchester City"

„Frammistaða okkar gegn Manchester United heima var hágæða frammistaða einnig en ég hef ekki hugmynd um hvernig við fórum að því að tapa því. Við höfum þó oft komið til baka eftir slæm úrslit, t.d. með því að svara tapinu gegn Manchester United með sigri á Dortmund"

„Við höfum einnig bætt okkur utan vallar. Að skilja hvernig klúbburinn virkar og hans kröfur á þig er mjög mikilvægt og ég er ánægður með hvernig hver og einn einasti leikmaður í liðinu, og það hefur komið fyrir okkur alla, hefur brugðist við því að vera skipt út úr liðinu á einhverjum tímapunkti á tímabilinu."

Athugasemdir
banner
banner
banner
banner