Gunnleifur Gunnleifsson stuðningsmaður Manchester City,
Bony er að kveðja City.
Allt útlit er fyrir að gluggadagurinn á morgun verði sá líflegasti í mörg ár. Fótbolti.net hefur því ákveðið að taka púlsinn á eldheitum stuðningsmönnum stærstu félaganna á Englandi.
Gunnleifur Gunnleifsson, markvörður Breiðabliks og stuðningsmaður Manchester City, er ánægður með leikmannagluggann hingað til.
Gunnleifur Gunnleifsson, markvörður Breiðabliks og stuðningsmaður Manchester City, er ánægður með leikmannagluggann hingað til.
„Ég var ánægður með það sem City gerði í sumar," sagði Gunnleifur við Fótbolta.net í dag.
„City eru betur mannaðir í markvarðar og bakvarða stöðunum með Ederson, Walker, Mendy og Danilo. Helst mundi ég vilja sjá djúpan miðjumann með Yaya og Fernandinho."
Manchester City gæti losað sig við nokkra menn á morgun auk þess sem félagið er að reyna að fá Alexis Sanchez frá Arsenal og Jonny Evans frá WBA.
„Mér finnst líklegt að menn eins og Bony, Delph og Mangala yfirgefi Etihad á láni eða fyrir fullt og allt," sagði Gulli um gluggadaginn á morgun.
„Alexis er líklegur að koma ásamt Jonny Evans, annars ef ég á að giska á eitthvað óvænt, þá giska ég á að Aubameyang komi ef Alexis kemur ekki."
Sjá einnig:
Gluggadagurinn hjá Liverpool: Veðjar á að Coutinho verði kyrr
Gluggadagurinn hjá Tottenham: Við þurfum miklu stærri hóp
Athugasemdir
