mán 13. desember 2010 11:10
Magnús Már Einarsson
Heimild: Soccernet 
Szczesny í markinu hjá Arsenal í kvöld?
Mynd: Getty Images
Wojciech Szczesny gæti óvænt staðið á milli stanganna hjá Arsenal í stórleiknum geng Manchester United í kvöld.

Lukasz Fabianski er að glíma við meiðsli og ef hann verður ekki klár í slaginn þá gæti Szczesny fengið tækifærið.

Manuel Almunia er einnig klár í slaginn eftir meiðsli á olnboga en enskir fjölmiðlar halda að Arsene Wenger muni frekar gefa Szczesny tækifærið ef Fabianski spilar ekki.

Szczesny hefur ekki leikið áður leik í ensku úrvalsdeildinni með Arsenal.

Á síðasta tímabili stóð hann sig vel í láni hjá Brentford og í vetur hefur hann leikið tvo leiki í deildabikarnum með Arsenal.
banner
banner