banner
   fös 21. janúar 2011 11:16
Magnús Már Einarsson
Heimild: Sky 
Liverpool staðfestir áhuga á Suarez og Young
Luis Suarez.
Luis Suarez.
Mynd: Getty Images
Damien Comolli, yfirmaður knattspyrnumála hjá Liverpool, hefur staðfest að félagið hafi áhuga á Luis Suarez og Ashley Young en hann segir félagið þó ekki vera nálægt því að ganga frá samningum.

Talið er að Liverpool hafi rætt við Ajax um kaup á Suarez en það ber ennþá þónokkuð á milli í samningaviðræðum.

,,Við erum fyrst og fremst að leita að sóknarmanni með hraða því að liðið vantar hraða," sagði Comolli.

,,Hvað varðar Suarez þá er ekkert í gangi með Ajax. Hann er einn af þeim leikmönnum sem við höfum áhuga á. Verður hann falur í janúar? Það er önnur saga."

Liverpool hefur líka áhuga á Young sem hefur einnig verið orðaður við Manchester United og Tottenham.

,,Varðandi Young, ef hann er á markaðinum þá höfum við áhuga en ég tel að það sé ekki tilfellið," sagði Comolli.
banner
banner
banner
banner
banner