Heimild: BBC
Cavani er orðaður við Chelsea.
Zoltan Gera er eftirsóttur.
Þá er komið að daglegum slúðurpakka í boði Poweade en þar er búið að taka saman helsta slúðrið í enska boltanum.
Pepe, varnarmaður Real Madrid, hefur ekki náð samkomulagi við spænska félagið um nýjan samning en hann veit af áhuga frá Chelsea. (Talksport)
Zoltan Gera er tilbúinn að fara frítt frá Fulham í sumar en Newcastle, Stoke og Birmingham hafa öll áhuga á Ungverjanum. (Daily Mail)
Arsenal er að fylgjast með Omar Salgado, 17 ára framherja frá Mexíkó, en hann spilar undir stjórn Teits Þórðarsonar hjá Vancouver Whitecaps. (Daily Mirror)
Arsenal hefur líka áhuga á Mamadou Sakho varnarmanni PSG. (Inside Futbol)
Chelsea gæti keypt Edinson Cavani framherja Napoli í sumar en Carlo Ancelotti er að yngja upp í leikmannahópi sínum. (Caught Offside)
Leicester vonast til að fá varnarmanninn Jeffrey Bruma á láni frá Chelsea. (The Sun)
Liverpool stjórnaði því að Fernando Torres óskaði eftir sölu, þremur dögum fyrir lok félagaskiptagluggans. Torres óskaði um sölu um leið og ljóst var að Luis Suarez kæmi til Liverpool. (The Sun)
Liverpool reyndi að ná heiðursmannasamkomulagi við Torres um að hann myndi ekki spila með Chelsea í leik liðanna á sunnudag. Það tókst ekki og Torres verður með í leiknum. (The Guardian)
Liverpool segir þetta ekki rétt en félagið segist vera að einbeita sér að því að ná leikheimild fyrir Luis Suarez fyrir leikinn gegn Stoke í kvöld. (The Independent)
Mario Balotelli gæti snúið aftur í lið Manchester City í grannaslagnum gegn Manchester United þann 12.febrúar en hann hefur verið frá keppni vegna hnémeiðsla síðan um jólin. (Daily Mail)
Samir Nasri mun gera nýjan fimm ára samning við Arsenal á næstunni en samningurinn mun færa honum 75 þúsund pund í vikulaun. (The Sun)
Luka Modric mun missa af næstu tveimur leikjum Tottenham. (Four Four Two)
William Gallas er nálægt því að gera nýjan tveggja ára samning við Tottenham. (The Sun)
Steven Fletcher, framherji Wolves, gæti hafa spilað sinn síðasta landsleik fyrir Skota eftir að hann afboðsaði sig í síðasta landsliðshóp með því að senda SMS. (Daily Mail)
Benni McCarthy, framherji West Ham hefur hafnað tilboði um að fá eina milljón punda frá félaginu fyrir að rifta samningi. Suður-Afríkumaðurinn hefur einungis leikið 14 leiki með West Ham síðan hann kom til félagsins fyrir ári síðan. (Daily Telegraph)
Jose, faðir Fernando Torres, segist samhryggjast stuðningsmönnum Liverpool eftir að sonur hans fór til Chelsea. (Daily Mirror)
