Heimild: Heimasíða WBA
West Bromwich Albion hefur staðfest ráðningu sína á Roy Hodgson og mun hann taka við liðinu eftir helgi.
Roberto Di Matteo var látinn taka pokann sinn eftir tap um síðustu helgi en WBA eru nýliðar í deildinni og eru sem stendur í sautjánda sæti.
Roy Hodgson var ekki lengi án starfs en hann var rekinn frá Liverpool í byrjun janúar eftir að hafa tekið við liðinu síðasta sumar.
Hann var valinn þjálfari ársins á síðustu leiktíð þegar hann gerði frábæra hluti með Fulham.
Michael Appleton mun stýra liðinu á morgun er liðið mætir West Ham í mikilvægum leik.
