Magnús Þórir (til vinstri) skoraði fyrra markið.
Breiðablik 0 - 2 Keflavík
0-1 Magnús Þórir Matthíasson
0-2 Guðmundur Steinarsson
0-1 Magnús Þórir Matthíasson
0-2 Guðmundur Steinarsson
Keflavík lagði Breiðablik 2-0 í eina leik kvöldsins í A deild Lengjubikars karla en leikið var í Kórnum.
Keflvíkingar voru talsvert betri í leiknum og verðskulduðu sigurinn en þeir voru með sitt sterkasta lið á meðan Íslandsmeistararnir voru nokkuð vængbrotnir.
Magnús Þórir Matthíasson kom Keflavík yfir þegar hann skoraði á laglegan hátt.
Guðmundur Steinarsson bætti síðan við öðru marki fyrir leikhlé þegar hann prjónaði sig í gegn og skoraði.
Keflvíkingar hefðu síðan getað bætt við mörkum og Guðmundur Steinarsson klúðraði meðal annars fínu færi þegar hann slapp í gegn.
Blikar áttu aftur á móti í erfiðleikum með að skapa sér færi en þeir hafa ekki skorað í fjórum leikjum í röð samanlagt í Fótbolta.net mótinu og Lengjubikarnum.
