mán 14. mars 2011 12:24
Magnús Már Einarsson
Heimild: Sporting Life 
Nani byrjaður að æfa á nýjan leik
Mynd: Getty Images
Portúgalski kantmaðurinn Nani mætti á æfingu með Manchester United í morgun.

Nani meiddist á fæti eftir tæklingu frá Jamie Carragher varnarmanni Liverpool í leik liðanna fyrir rúmri viku.

Búist var við að Nani yrði frá keppni fram í næsta mánuð en nú er möguleiki á að hann spili gegn Marseille annað kvöld.

Michael Carrick og Michael Owen mættu einnig á æfingu í morgun eftir meiðsli og þeir gætu náð leiknum á morgun.

Owen Hargreaves æfði líka í morgun en hann og Ji-Sung Park voru saman í sérstökum æfingum þar sem þeir eru að jafna sig af meiðslum.
banner
banner
banner
banner