Heimild: BBC
Dani Pacheco.
Norwich City hefur fengið framherjana Dani Pacheco og Sam Vokes á láni út þetta tímabil.
Báðir leikmennirnir eru tvítugir en Pacheco kemur á láni frá Liverpool á meðan Vokes kemur frá Wolves.
Pacheco kom til Liverpool frá Barcelona árið 2007 og hefur síðan þá leikið fjórtán leiki með þeim rauðklæddu.
Vokes hefur skorað átta mörk í 50 leikjum með Wolves en hann er nýkominn úr láni hjá Sheffield United þar sem hann skoraði eitt mark í sex leikjum.
Leikmennirnir munu reyna að hjálpa Norwich að komast upp í ensku úrvalsdeildina en liðið er sem stendur í öðru sæti í Championship deildinni.
