Heimild: Mirror
LeBron James, körfuboltastjarna hjá Miami Heat, hefur eignast lítinn hlut í Liverpool en frá þessu var greint í dag.
James mun fá lítinn hlut sem Fenway Sports hópurinn keypti í október síðastliðnum en Fenway Sports er í samstarfi við LRMR Branding & Marketing sem er markaðsfyrirtæki James.
,,Í fyrsta sinn sem ég steig inn á völlinn í NBA varð ég kaupsýslumaður. Þetta er frábært tækifæri fyrir mig," sagði James.
Liverpool hefur átján sinnum orðið enskur meistari og James hafði orð á því.
,,Átján meistaratitar. Ég sé sjálfan mig reyna að gera sömu hluti og þeir hafa gert," sagði James.
