Andre Villas Boas er 33 ára gamall.
Myndin sem Jack Wilshere setti á Twitter í gær og neitaði þeim orðrómi að hann væri að fara til Manchester City.
Hér að neðan má sjá yfirlit yfir það helsta sem ensku blöðin eru að skrifa um þennan miðvikudaginn. Við ítrekum það að sannleiksgildið í hluta af þessu er ekki ýkja mikið enda ensku blöðin dugleg að skrifa allt það slúður sem gengur manna á milli.
Aston Villa, Fulham og Sunderland hafa öll áhuga á Alan Hutton, varnarmanni Tottenham, sem er líklega á förum eftir að hafa lent upp á kant við knattspyrnustjórann Harry Redknapp (Goal.com)
Chelsea ætlar að kaupa belgíska sóknarmanninn Romelu Lukaku frá Anderlecht í sumar á 26,7 milljónir punda. (Marca)
Inter mun stíga til hliðar og leyfa Manchester City að kaupa Alexis Sanchez frá Udinese gegn því að City taki við tilboði Inter í Carlos Tevez. (Talksport)
Nolito, sóknarmaður Barcelona, er á óskalista QPR og Newcastle eftir að hafa hafnað framlengingu á samningi sínum. (Metro)
Tony Pulis, stjóri Stoke, er að undirbúa tilbúið í harðjaxlinn Servet Cetin hjá Galatasaray. Þessi varnarmaður er kallaður Ayibogan sem myndi þýðast sem „maðurinn sem gæti kyrkt björn." (Daily Mirror)
Andre Villas Boas, hinn ungi og athyglisverði þjálfari Porto, á að hafa skrifað undir samkomulag við Liverpool um að taka við liðinu næsta tímabili samkvæmt vefsíðunni caughtoffside.com. (Caughtoffside)
Dirk Kuyt, sóknarmaður Liverpool, mun skrifa undir nýjan samning í þessari viku til ársins 2014. (Daily Mail)
Jack Wilshere hefur neitað þeim orðrómi að hann sé á leiðinni til Manchester City. Hann gerði það með því að birta mynd af sér á Twitter að kyssa merki Arsenal og skrifaði „Þetta félag er í hjarta mínu. (Twitter)
Fenway Sports Group, eigendur Liverpool, hafa opinberað að dagblaðarisinn New York Times sé næststærsti hluthafinn í félaginu og eigi meira en 10%. (Daily Mirror)
Alan Shearer, goðsögn Newcastle, segist enn hafa áhuga á því að verða knattspyrnustjóri. (Daily Mail)
Carlo Ancelotti viðurkennir að það hafi verið mistök að láta Torres byrja en ekki Drogba í Meistaradeildinni í gær. Hann segir að framtíð sín sé ekki í sínum höndum eftir að liðið féll úr leik. (Daily Telegraph)
Jose Mourinho, þjálfari Real Madrid, hefur enn og aftur gefið Englendingum undir fótinn og segist ætla að snúa aftur í enska boltann einn daginn. Fyrst sé samt stefnan að klára þau þrjú ár sem hann á eftir af samningi sínum við spænska stórliðið. (The Independent)
Leikmenn Bolton fóru á Wembley leikvanginn til að venjast aðstæðum fyrir undanúrslitaleik FA-bikarsins gegn Stoke á sunnudag. (Daily Mirror)
