Heimild: Sky
Wolves hefur spurst fyrir um Paul Konchesky vinstri bakvörð Liverpool en þetta segja heimildir Sky Sports.
Konchesky kom til Liverpool frá Fulham síðastliðið sumar en náði alls ekki að slá í gegn á Anfield.
Eftir að Kenny Dalglish tók við af Roy Hodgson var Konchesky sendur til Nottingham Forest á láni í janúar.
Liklegt er að hann fari frá Liverpool í sumar og Wolves hefur nú sýnt leikmanninum mikinn áhuga.
Mick McCarthy, stjóri Wolves, er aðdáandi Konchesky en hann reyndi einnig að fá leikmanninn í janúar.