Alessandro Matri.
Juventus hefur staðfest að þeir Alessandro Matri, Fabio Quagliarella, Simone Pepe og Marco Motta séu allir komnir í eigu félagsins. Leikmennirnir voru á lánssamningi hjá Juve á nýafstöðnu tímabili.
Juve olli vonbrigðum á tímabilinu og náði ekki Evrópusæti.
Matri er dýrastur af fjórmenningunum. Hann kemur frá Cagliari en hann fann sig vel í búningi Juventus eftir að hafa komið á lánssamningi í janúar og vann hann sér meðal annars sæti í ítalska landsliðinu.
Quagliarella kemur frá Napoli en miðjumaðurinn Pepe og hægri bakvörðurinn Motta frá Udinese.
