Það var ekki margt um manninn á Grindavíkurvelli þegar Fylkismenn litu við í heimsókn. Heimsóknin var svo sannarlega ferð til fjárs hjá Fylkismönnum sem lönduðu 4-1 sigri. Afar mikilvægur sigur hjá Fylkismönnum sem fóru með sigrinum í fimmta sætið.

Það voru ekki liðnar nema sex mínútur þegar fyrsta markið kom. Matthías Örn Friðriksson óð þá upp völlinn og var kominn upp að vítateig Fylkismanna þegar hann lagði boltann fyrir markið þar sem Robbie Winters var einn á auðum sjó og vippaði boltanum yfir Fjalar í marki Fylkis.

Eftir þetta gerðist sáralítið. Fylkismenn höfðu þá boltann meira og sóttu meira. Ekkert mark kom þó fyrir hálfleik og 1-0 fyrir Grindavík og allt í góðum málum hjá þeim. Ólafur Þórðarson var hins vegar ekki parsáttur og tók líklega sína menn af lífi í hálfleik því allt annað Fylkislið kom inná í seinni hálfleik.

Þeir léku á alls oddi og Ingimundur Níels Óskarsson jafnaði metin fyrir Fylki úr vítaspyrnu eftir einungis sex mínútur í síðari hálfleik. Einungis fjórum mínútum síðar var staðan orðin 2-1 fyrir Fylki en Ingimundur Níels Óskarsson skallaði þá boltann í netið eftir sendingu frá Andrési.

Fylkismenn gerðu svo endanlega útum leikinn með tveimur mörkum á tíu mínútna kafla undir lokinn. Fyrst var það Andri Þór Jónsson þegar um fimmtán mínútur voru eftir og svo var röðin komin að Tómasi Joð Þorsteinssyni sem lokaði dagskránni formlega fyrir Fylkismenn. Þeir síðarnefndu tveir voru að skora sín fyrstu mörk fyrir Fylki í deildarleik.

Það stóð ekki steinn yfir steini yfir leik Grindavíkur í síðari hálfleik og menn klóra sér líklega í hausnum þar á bæ og spurja sig hvað er að. Kærkominn sigur hjá Fylki aftur á móti, sem leggja það sem vana, að byrja ekki leikinn fyrr en í síðari hálfleik.

Dómari: Vilhjálmur Alvar Þórarinsson - virkilega góður.
Maður leiksins: Tómas Joð Þorsteinsson.
Áhorfendur: 561.

---

Leik lokið Leiknum er lokið hérna í Grindavík. Lokatölur 4-1 fyrir Grindavík!

Twitter - Magnús Sigurbjörnsson
3 stig über alles ! #Fylkir #fótbolti

88.mín Bæði lið gera sína síðustu skiptingu. Andrés Már Jóhannesson fór útaf hjá Fylki og Trausti Björn Ríkharðsson kom inná. Guðmundur Andri Bjarnason kom inná hjá Grindavík og Paul McShane fór útaf.

85.mín MAAAAAAAAAAAAAAAAAAARK! Leiknum er formlega lokið hérna í Grindavík. Fylkismenn geystust í skyndisókn og Andrés Már lagði boltann á Tómas Joð sem skoraði naumlega framhjá Óskari í markinu.

80.mín Hér í Grindavík eru tíu mínútur eftir og fer hver að vera síðastur til að minnka muninn fyrir Grindavík og búa til alvöru leik.

75.mín MAAAAAAARK! Andri Þór Jónson var réttur maður á réttum stað og skoraði sitt fyrsta mark fyrir Fylki eftir frábæra fyrirgjöf frá Tómasi Joð. Nú er á ramman að reipa fyrir Grindvíkinga.

Heimamenn gera breytingu á sama tíma. Magnús Björgvinsson kemur inn í staðin fyrir Robert Winters.

70.mín Í öllum hamagangnum áðan náði ég ekki að segja frá því að bæði lið gerðu breytingu. Orri Freyr Hjaltalín fór af velli og í hans stað kom Páll Guðmundsson. Fylkismenn gerðu einnig breytingu. Jóhann Þórhallsson kom inn í stað fyrir Andra Má Hermannsson.

Þeir hafa gert aðra breytingu Fylkismenn. Kristján Valdimarsson fór útaf og í hans stað kom Þórir Hannesson.

67.mín Eftir skelfilega hornspyrnu Grindavíkur geystust Fylkismenn upp völinn og komust þrír á einn. Þeir náðu hins vegar ekki að gera sér mat úr því og boltinn fór beint í hendur Óskar Péturssonar.

63.mín 561 áhorfendur eru á þessum leik hér í dag.

Twitter - Jóhann Guðmundsson
ÞARNA ER ÞAÐ FYLKIR ! #fotbolti #twittóður

55.mín MAAAAAAAARK. Fylkismenn komnir yfir en eftir flottan undirbúning Ingimundar Níelsar pikkaði Andrés Már Jóhanesson boltanum yfir línuna.

52.mín Óli Baldur í dauðafæri! Eftir barning í teignum hrökk boltinn á Óla sem skaut boltanum yfir.

51.mín MAAARK! Ingimundur Níels fór á punktinn fyrir Fylki og skoraði. Óskar fór þó í rétt horn.

50.mín Vilhjálmur Alvar flautar vítaspyrnu, en brotið var á Andrési Má innan vítateigs Grindavíkur.

46.mín Já komiði sæl og blessuð á ný. Verið velkomin aftur, en nú er síðari hálfleikur hafinn. Góða skemmtun!

Hálfleikur Það er komin hálfleikur hérna í rokinu og rigningunni í Grindavík. Staðan enn 1-0 og tíðindalítill fyrri hálfleikur að baki.

Twitter - Þorsteinn Finnbogason
vörn fylkis er útá spáni ennþá #fótbolti #t4n4l1fe

42.mín Robert Winters með flotta sendingu á Óla Baldur Bjarnason sem skallaði boltanum rétt framhjá markinu. Fylkismenn í tómu basli varnalega!

37.mín Ef eitthvað er þá bætir bara í vindinn sem er orðinn ansi mikill hérna í Grindavík.

34.mín Þarna skall hurð nærri hælum! Jóhann Helgason með flott skot sem fór þó rétt framhjá markinu.

30.mín Andrés Már átti rétt í þessu fínt skot sem fór framhjá markinu. Um 300 manns eru mættir á leikinn og hafa þeir fengið eitt mark, en afskaplega lítið meira. Leikurinn lítið fyrir augað.

Twitter - Viktor Lekve
Ætlar Fylkismenn bara alltaf að drulla uppá bak í fyrrihálfleik, orðið frekar þreytt #fotbolti #drullastigagnorange

22.mín Kjartan Ágúst Breiðdal með gott skot, en Óskar Pétursson slær boltann í horn. Vel varið hjá Óskari.

20.mín Já, ég er enn á lífi! En ekkert er að gerast hérna í Grindavík. Mikið um miðjuhnoð eftir markinu og lítið í gangi, Fylkismenn þó ívið sterkari.

Twitter - Magnús Már Einarsson
Grindvíkingar strax komnir yfir...vörnin hjá Fylki ekki traustvekjandi í upphafi #fotbolti

7.mín Ólafi Þórðarsyni var nóg boðið nú fyrir stundu og stóð upp og hraunaði yfir sína menn, en varnarleikurinn hefur ekki verið traustur hér i byrjun.

6.mín MAAAAAAAAAARK! Grindvíkingar eru komnir yfir, en Matthías Örn Friðriksson gaf flotta sendingu inn fyrir á Robbie Winters sem vippaði boltanum yfir Fjalar í markinu. Grindvíkingar, þeir sárafáu sem mættir eru á völlinn, fagna þessu vel og innilega.

4.mín Fylkismenn eru grjótharðir í vonda veðrinu hérna í Grindavík, en þeir spila allir í stutterma!

Einnig hvetjum við fólk til að vera galvaskt á Twitter og nota hashtagið #fotbolti. Valin tíst birtast hérna í beinu texta lýsingunni.

1.mín Leikurinn er hafinn. Heimamenn, sem eru í sínum hefðbundnu gulu búningunum, leika með vindi og gestirnir leika í bláum búningnum.

19:15 Þessa stundina er einna mínútu í þögn í virðingarskyni við þau voðaverk sem áttu sér stað í Osló í vikunni.

19:13 Liðin ganga nú inn á völlin á eftir dómurum leiksins.

19:07 Það er ekki hægt að segja að áhorfendur flykkist hérna inn í stúkuna. Á að líta eru um tuttugu mættir og átta mínútur í leik.

19:00 Fyrri leikur þessara liða fór fram í Kórnum og endaði með 3-2 sigri Grindvíkinga eftir að þeir höfðu lent 2-0 undir. Magnús Björgvinsson tryggði þeim sigur í uppbótartíma.

18:50 Líklega verður hart barist í dag og mun Vilhjálmur Alvar Þórarinsson vera á flautunni. Honum til aðstoðar verða þeir Gunnar Sverrir Gunnarsson og Leiknir Ágústsson.

18:45 Bæði lið eru komin út á völl og eru þessa stundina að hita upp. Grindvíkingar hita undir stjórn Helga Bogasonar, en hjá Fylkismönnum er það aðstoðaþjálfarinn Kristinn Guðbrandsson sem stjórnar upphitun.

18:40 Fyrir leikinn eru Grindvíkingar í ágætis málum. Þeir eru í níunda sæti með ellefu stig og sigur í dag myndi þeim vera afar mikilvægur.

Fylkismenn eru um miðja deild eða í sjöunda sæti með fimmtán stig. Með sigri gætu þeir skotist upp í fimmta sætið.

18:35 Aðstæður hér í dag eru skelfilegar. Brjálaður vindur á annað markið og grenjandi rigning.

18:30 Komiði sæl og blessuð og verið velkomin í beina textalýsingu frá Grindavík. Hér í dag mætast Grindavík og Fylkir í athyglisverðum leik.

Byrjunarliðin má sjá hér að neðan, en þau duttu í hús hér fyrir stundu. EIn breyting er á liði Grindavíkur. Magnús Björgvinsson fer á bekkinn og inn í hans stað kemur Scott Ramsay.

Tvær breytingar eur hjá gestunum. Fjalar Þorgeirsson og Andri Þór Jónsson koma inn fyrir Bjarna Þórð Halldórsson og Gylfa Einarsson sem eru báðir meiddir.

Byrjunarlið Grindavíkur:
Óskar Pétursson
Matthías Örn Friðriksson - Jamie Patrick McCunnie - Ólafur Örn Bjarnason - Bogi Rafn Einarsson
Orri Freyr Hjaltalín - Ian Paul McShane
Óli Baldur Bjarnason - Jóhann Helgason - Scott Ramsay
Robert Winters

Byrjunarlið Fylkis:
Fjalar Þorgeirsson
Andri Þór Jónsson - Kristján Valdimarsson - Davíð Þór Ásbjörnsson - Kjartan Ágúst Breiðdal
Ásgeir Börkur Ásgeirsson - Andrés Már Jóhanesson
Ingimundur Níels Óskarsson - Andri Már Hermansson - Tómas Þorsteinsson
Albert Brynjar Ingason