KA hefur fengið liðsstyrk en skoski miðjumaðurinn Brian Gilmour mun leika með liðinu út tímabilið.
Gilmour er fæddur árið 1987 en hann lék með unglingaliði Rangers á sínum tíma.
Gilmour var síðast á mála hjá Stenhousemuir í heimlandinu en hann hefur einnig leikið með Queen of the South, Clyde, Lincoln City sem og Haka í Finnlandi.
Gilmour er fæddur árið 1987 en hann lék með unglingaliði Rangers á sínum tíma.
Gilmour var síðast á mála hjá Stenhousemuir í heimlandinu en hann hefur einnig leikið með Queen of the South, Clyde, Lincoln City sem og Haka í Finnlandi.
,,Mér líst mjög vel á þennan leikmann og það sem við höfum séð af honum á hann eftir að styrkja liðið okkar mikið," sagði Gunnlaugur Jónsson þjálfari KA í samtali við Fótbolta.net í dag.
Gilmour er kominn með leikheimild með KA og hann getur leikið með liðinu í mikilvægum leik gegn HK annað kvöld.
KA er sem stendur í tíunda sæti í fyrstu deildinni en félagið ætlar ekki að semja við kantmanninn Theo Furness sem var á reynslu í síðustu viku.
