Shaneka og Arna Sif eru báðar í liði umferðarinnar
Lára Kristín er á miðjunni
Þá er komið að því að birta úrvalslið 13. umferðar hér á Fótbolta.net. Í þetta skiptið eiga lið Grindavíkur og ÍBV flesta fulltrúa eða þrjá hvort lið.
Í umferðinni sem leið vann ÍBV 5-0 sigur á Þrótti, Stjarnan sigraði KR 3-2 og Grindavík vann Breiðablik með sömu markatölu. Þá gerðu Afturelding og Fylkir 1-1 jafntefli, rétt eins og Þór/KA og Valur.
Emma Higgins úr Grindavík stendur á milli stanganna og fyrir framan hana í vörninni eru þær Halldóra Þóra Birgisdóttir úr Aftureldingu og eyjastúlkurnar Julie Nelson og Svava Tara Ólafsdóttir.
Lára Kristín Pedersen átti stórleik í 1-1 jafntefli Aftureldingar og Fylkis og hún er á miðjunni ásamt Grindvíkingnum Ingibjörgu Yrsu Ellertsdóttur, Gunnhildi Yrsu Jónsdóttur úr Stjörnunni og Örnu Sif Ásgrímsdóttur úr Þór/KA.
Fremstar eru svo þær Shaneka Gordon úr Grindavík, Kristín Erna Sigurlásdóttir úr ÍBV og Manya Makoski úr Þór/KA.
