,,Við fórum langleiðina með þetta í dag. Sýndum góðan leik og settum á þá sjö mörk og hefðum getað skorað fleiri. Við erum í góðum málum fyrir seinni leikinn," sagði Davíð Birgisson leikmaður KV eftir 7-1 sigur á Magna í fyrri undanúrslitaleik liðanna um sæti í annarri deildinni.
Síðari leikurinn fer fram á Grenivík næstkomandi miðvikudagskvöld og þar þarf mikið að ganga á ef KV á ekki að tryggja sér sæti í annarri deild.
,,Við förum til þess að vinna. Við förum á þriðjudaginn og gistum og gerum góða ferð úr þessu."
KV lék í annarri deildinni í fyrra en féll þá beint aftur. Nú er útlit fyrir að liðið leiki aftur í annarri deild að ári.
,,Ef við förum upp vona ég að við styrkjum okkur töluvert og fáum gamla KR-inga í þetta aftur en við verðum að sjá til."
Hér að ofan má sjá viðtalið í heild sinni.
