Spánar- og Evrópumeistarar Barcelona voru allt annað en sannfærandi þegar þeir sóttu Sporting Gijon heim í spænsku úrvalsdeildinni í kvöld.

Börsungar gerðu þó nóg til að tryggja sér stigin þrjú, en lokatölur í leiknum voru 1-0. Brasilíumaðurinn Adriano skoraði eina mark leiksins, en það kom á 12. mínútu. Þetta var hans fyrsta deildarmark fyrir Barcelona, en hann kom til liðsins frá Sevilla í fyrra.

Með sigrinum fór Barcelona upp í efsta sæti deildarinnar, þar sem þeir eru ásamt Levante með 14 stig. Real Madrid mun hins vegar mæta Espanyol síðar í kvöld, en þeir eru með 10 stig eftir fimm leiki.