Zenit frá Pétursborg og APOEL gerðu markalaust jafntefli í fyrsta leik dagsins í Meistaradeild Evrópu.

Stöðva þurfti leikinn í síðari hálfleik þegar stuðningsmenn höfðu tendrað á blysum í stúkunni og mikinn reyk lagði yfir völlinn. Rúmlega tíu mínútna töf varð þess vegna.

APOEL frá Kýpur hefur komið mjög á óvart í keppninni og er þar með komið áfram í sextán liða úrslit en Zenit er í góðri stöðu fyrir síðustu umferðina.