John Terry, fyrirliði Chelsea, hefur lýst yfir sakleysi sínu eftir meint kynþáttaníð í garð Anton Ferdinand í Lundúnarslagnum gegn Queens Park Rangers í október í fyrra.
Terry mætti ekki sjálfur í réttarsal í morgun en lögfræðingur hans lýsti yfir sakleysi leikmannsins.
Í kjölfarið hefur verið ákveðið að fresta réttarhöldiunum þar til 9. júlí eða eftir að EM klárast í sumar. Terry mun því væntanlega vera áfram fyrirliði Englendinga á EM í sumar.
Terry mun því ekki fá neina refsingu á þessu tímabili en hann á að hafa sagt miður falleg orð sem tengdust kynþætti Anton Ferdinand.
Gripið var til aðgerða eftir að myndband var birt á veraldarvefnum þar sem Terry virðist segja "you f**ing black c*nt". Í desember var ákveðið að ákæra Terry en nú er ljóst að málið mun dragast á langinn.
Athugasemdir
