Breiðablik 2-2 Stjarnan:
1-0 Stefán Þór Pálsson ('9)
1-1 Kenny Chopart ('17)
1-2 Halldór Orri Björnsson ('20)
2-2 Sverrir Ingi Ingason ('43)
Rautt spjald: Halldór Orri Björnsson, Stjarnan ('63)
Það á enn eftir að skýrast hvaða lið hampar bikarnum sem sigurvegari í Fótbolta.net mótinu þar sem flauta varð úrslitaleik Breiðabliks og Stjörnunnar af í dag þegar rafmagn sló út af Kórahverfinu í Kópavogi.
1-0 Stefán Þór Pálsson ('9)
1-1 Kenny Chopart ('17)
1-2 Halldór Orri Björnsson ('20)
2-2 Sverrir Ingi Ingason ('43)
Rautt spjald: Halldór Orri Björnsson, Stjarnan ('63)
Það á enn eftir að skýrast hvaða lið hampar bikarnum sem sigurvegari í Fótbolta.net mótinu þar sem flauta varð úrslitaleik Breiðabliks og Stjörnunnar af í dag þegar rafmagn sló út af Kórahverfinu í Kópavogi.
20 mínútur voru eftir af venjulegum leiktíma í Kórnum þegar myrkur skall skyndilega á í húsinu svo leikurinn var strax stöðvaður.
Eftir að ljóst var að Orkuveitan gaf út að lágmarks viðgerðartími væri klukkustund voru góð ráð dýr.
Dómarar og þjálfarar liðanna funduðu þá með fulltrúa Fótbolta.net á svæðinu og að lokum var ákveðið að flauta leikinn af og leika að nýju við fyrsta tækifæri. Nýr leiktími verður ákveðinn eftir helgi.
Fram að þessu hafði leikurinn annars verið mjög fjörugur og skemmtilegur. Stefán Þór Pálsson leikmaður ÍR sem æfir með Breiðablik þessa dagana kom þeim grænklæddu yfir á 9. mínútu og hinn danski Kenny Chopart sem er á reynslu hjá Stjörnunni jafnað með glæsilegu skoti fyrir utan teig.
Á 20. mínútu kom Halldór Orri Björnsson Stjörnunni yfir þrátt fyrir mótmæli Blika. Tryggvi Sveinn Bjarnason fór þá í harkalega tæklingu við Andra Rafn Yeoman úti á miðjum velli, boltinn barst til Halldórs Orra sem fór í þríhyrningsspil og skoraði með glæsilegu skoti fyrir utan teig.
Blikar vildu fá eitthvað fyrir sinn snúð í tæklingunni en Andri Rafn varð að fara af velli, og er hugsanlega fótbrotinn.
Miðvörðurinn Sverrir Ingi Ingason jafnaði svo metin fyrir Breiðablik í lok fyrri hálfleiks þegar hann skallaði í markið eftir góðan undirbúning Guðmundar Kristjánssonar.
Staðan í hálfleik 2-2 og í byrjun þess síðari voru Stjörnumenn líklegri, Bjarki Páll Eysteinsson skaut til að mynda framhjá úr góðu færi og Gunnar Örn Jónsson átti líka gott skot en framhjá.
Á 63. mínútu fékk Halldór Orri Björnsson að líta rauða spjaldið eftir samskipti við Elfar Árna Aðalsteinsson sem lág óvígur í grasinu í smá tíma en stóð svo ferskur upp aftur.
Það var svo á 71. mínútu að allt varð svart og 20 mínútum síðar var leikurinn flautaður af. Ólafur H. Kristjánsson þjálfari Breiðabliks var fjarverandi í dag þar sem hann var erlendis á þjálfaranámskeiði.
Byrjunarlið Breiðabliks:
Sigmar Ingi Sigurðsson
Sindri Snær Magnússon - Sverrir Ingi Ingason - Finnur Orri Margeirsson - Hrannar Einarsson
Guðmundur Kristjánsson - Jökull Elísabetarson
Stefán Þór Pálsson
Andri Rafn Yeoman - Elfar Árni Aðalsteinsson - Rafn Andri Haraldsson
Byrjunarlið Stjörnunnar:
Ingvar Jónsson
Jóhann Laxdal - Tryggvi Bjarnason - Daníel Laxdal - Hörður Árnason
Baldvin Sturluson - Atli Jóhannsson
Halldór Orri Björnsson
Bjarki Páll Eyteinsson - Kenny Chopart - Gunnar Örn Jónsson
Athugasemdir
