Nú rétt í þessu var að ljúka leik Vals og KÍ frá Færeyjum í Evrópukeppni félagsliða kvenna en leiknum lauk með stórsigri Vals, 6-0. Með sigrinum er Valur búið að tryggja sér efsta sætið í riðlinum þrátt fyrir að aðeins tvær umferðir af þremur séu búnar.

Í fyrstu umferðinni vann Valur lið Honka frá Finnlandi 2-1 og eru því eftir sigurinn í dag komnar með 6 stig. Den Haag frá Hollandi gerði jafntefli við KÍ í fyrstu umferðinni og tapaði svo fyrir FC Honka í dag. Valur mætir Den Haag sem er með eitt stig á þriðjudag en Valur eru komnar með 6 stig, Honka 3 og KÍ 1. Honka gæti jafnað Val að stigum í lokaumferðinni en þar sem Valur vann innbyrðis viðureign þeirra eru þær íslensku þegar búnar að tryggja sér sigur í riðlinum.

Fylgst var með leiknum í beinni textalýsingu á Fótbolta.net og hér að neðan má lesa hana.

15:37: Dómarinn flautar til leiksloka. 0-6 sigur Vals staðreynd.

15:33: KÍ bjarka á línu eftir hælspyrnu Nínu Óskar.

15:28: Thelma á góðar fyrirgjafir að marki. Fyrst fór boltinn til Nínu sem á slakt skot sem markvörður KÍ grípur, svo fór boltinn yfir slánna og framhjá. Skömmu síðar á Nína skot sem fer í varnarmann og útaf. Hornspyrna dæmd sem ekkert varð úr.

15:26: Dóra María með skot utan af velli eftir góðan undirbúning hjá Dagný sem sendi átti fyrirgjöf sem endaði fyrir framan teiginn.

15:25: Dagný á fyrirgjöf fyrir markið en markvörður KÍ nær honum. Markvörðurinn lá meidd á vellinum eftir samstuð við Nínu Ósk sem var næstum búin að skora en hreinsað var á línu. Hún stóð aftur upp.

15:19: Margrét Lára með stungusendingu á Guðný Björk en boltinn aðeins of langur og markvörður KÍ nær honum.

15:16: Margrét Lára og Dagný áttu báðar skalla að marki eftir fyrirgjöf Guðnýjar en boltinn fór framhjá eftir skalla Dagnýar.

15:15: Dóra María kemur inná aftur.

15:13: Vanja er komin inná aftur en Dóra María enn utan valllar og Valur því manni færri. Það sést þó ekki því Valur er enn mun sterkara liðið á vellinum.

15:11: Vanja Stefanovic og Dóra María Lárusdóttir liggja báðar á vellinum og þurfa aðhlynningu. Vonandi þurfa þær ekki að fara af velli því Valur hefur þegar notað allar 3 skiptingarnar sínar.

15:10: Nína Ósk Kristinsdóttir bætir við sjötta markinu eftir frábæran undirbúning Margrétar og Dagnýar.

15:08: Valur gerir sína síðustu skiptingu. Thelma Björk Einarsdóttir kemur inná í stað Pálu Marie Einarsdóttur.

15:06: Margrét Lára Viðarsdóttir bætir við fimmta markinu. Hún sólaði fjórar og lagði boltann í markið, frábært mark.

15:03. Margrét Lára skorar en markið ekk dæmt gilt, línuvörður dæmdi rangstöðu, líklega ranglega. Áður hafði Hallbera átt gott skot sem markvörður KÍ varði og nú rétt í þessu átti Dóra María gott skot sem var vel varið.

15:02: Valur gerir tvær breytingar á liði sínu. Nína Ósk Kristinsdóttir kemur inn fyrir Katrínu Jónsdóttur og Dagný Brynjarsdóttir inn fyrir Rakel Logadóttur.

15:00: Katrín Jónsdóttir bætir við fjórða marki Vals með skalla eftir hornspyrnu Margrétar Láru. Hornspyrnan kom í kjölfar góðs spretts hjá Rakel Logadóttur.

14:47: Hallbera átti skot langt utan af velli sem sleikti slána og fór yfir markið.

14:55: Guðný Björk Óðinsdóttir bætir þriðja markii Vals við með skalla eftir fyrirgjöf frá Vanja Stefanovic. Vanja hefur tvívegis verið dæmt rangstæð undanfarnar mínútur.

14:50: Margrét Lára kemur Val í 2-0 með marki úr vítaspyrnu. Hún skorar örugglega með skoti í vinstra hornið. Spyrnan hafði verið dæmd eftir að brotið hafði verið á Guðný Björk Óðinsdóttur sem var að sleppa í gegn eftir samleik við Margréti Láru.

14:46: Síðari hálfleikur er hafinn, engin breyting hefur verið gerð á liði Vals. Dóra María Lárusdóttir þrumar boltanum hárfínt yfir markið eftir sendingu frá Rakel Logadóttur strax í byrjun síðari hálfleiks.

14:30: Búið er að flauta til hálfleiks. Skömmu áður en það var gert átti KÍ góða aukaspyrnu inn í teig en Ása markvörður gerði vel og greip boltann.

14:27: KÍ á aukaspyrnu að marki Vals sem Katrín Jónsdóttir skallaði frá. Í kjölfarið komst Valur í sókn og Katrín reyndi að skora með bringunni eftir fyrirgjöf frá Rakel Logadóttur en markvörður KÍ ver. Í næstu sókn var framherji KÍ næstum sloppin í gegn en Ásta Árnadóttir hljóp hana uppi og hreinsaði. Valur fær markspyrnu.

14:24: Rakel Logadóttir kemur Val yfir með skalla eftir fyrirgjöf Margrétar Láru á 40. mínútu.

14:22: Rakel Logadóttir sólaði þrjá varnarmenn KÍ, sendi boltann fyrir markið þar sem Vanja Stefanovic var og skaut í slá. Skömmu síðar fengu Valsstúlkur tvær hornspyrnur í röð en ekkert varð úr þeim.

14:19: Leikmenn KÍ komast sjaldan yfir miðju en þegar það gerist missa þær boltann strax aftur. Linda Rós átti rétt í þessu máttlaust skot sem markvörður KÍ varði.

14:13: Hallbera Guðný Gísladóttir tekur aukaspyrnu á miðjum velli. Sending á Vanja sem skýtur framhjá markinu. Vanja hefur átt góðan leik og rúllar upp bakverði KÍ, kemst alltaf framhjá henni. Linda Rós potar í boltann en rétt framhjá.

14:09: Margrét Lára á skot framhjá eftir sendingu frá Vanja Stefanovic. Í kjölfarið á Linda Rós fyrirgjöf sem markvörður KÍ kemst inní. Dóra María á svo skot utan af velli sem fór yfir markið.

14:06: Nú eru 20 mínútur liðnar af leiknum. Valsliðið er mun sterkara en það færeyska og leikurinn fer nánast allur fram á vallarhelmingi KÍ. Þær færeysku reyna lítið að spila boltanum, spyrna honum oftast í burtu þegar þær fá hann.

14:05: Margrét Lára átti skot rétt fyrir utan vítateig sem fór framhjá markinu. Skömmu síðar var brotið á henni innan vítateigs en ekkert dæmt.

14:01: Linda Rós Þorláksdóttir sendingu fyrir markið á kollinn á Margréti Láru sem skallar framhjá markinu.

13:58: Margrét Lára Viðarsdóttir í dauðafæri. Hún á skot yfir markið úr vítateig eftir að hafa fengið sendingu frá Vanja Stefanovic.

13:53: Valsstúlkur áttu tvær hornspyrnur í röð. Í fyrra skiptið var skalli Katrínar Jónsdóttur varinn í horn að nýju en ekkert varð úr síðari spyrnunni. Skömmu síðar fengu þær þriðju hornspyrnuna og þá skallaði Katrín rétt framhjá markinu.

13:50: Leikurinn er hafinn og á fyrstu fimm mínútunum hefur Valslliðið legið vel á KÍ. Ása Dögg hefur varið einu sinni skot KÍ.

13:34: Finnska liðið FC Honka lagði það hollenska Den Haag með einu marki gegn einu fyrr í dag. Þar með er ljóst að Val nægir sigur í leiknum gegn KÍ nú á eftir til að tryggja sér sigur í riðlinum og þá skiptir engu hvernig lokaleikur Vals gegn Den Haag frá Hollandi fer á þriðjudag. Önnur úrslit í riðlinum hafa verið þau að í fyrstu umferðinni vann Valur lið FC Honka 2-1 og KÍ og Den Haag gerðu 1-1 jafntefli.

13:32: Létt þoka er yfir vellinum sem þó kemur og fer. Völlurinn sjálfur er pínu þungur.

13:30: Byrjunarliðið tilbúið.
Elísabet Gunnarsdóttir hefur tilkynnt byrjunarlið Vals en hún stillir upp í leikkerfinu 4-3-3 eins og í fyrsta leiknum. Hún gerir þrjár breytingar á liðinu frá leiknum gegn FC Honka og hvílir þrjá sterka leikmenn fyrir lokaleikinn gegn Den Haag frá Hollandi.

Ása Dögg Aðalsteinsdóttir kemur í markið í stað Guðbjargar Gunnarsdóttur, Linda Rós Þorláksdóttir kemur í hægri bakvarðarstöðuna í stað Sif Atladóttur og Hallbera Guðný Gísladóttir kemur í vinstgri bakvarðarstöðuna en Nína Ósk Kristinsdóttir dettur úr liðinu í stað hennar.

Ása Dögg Aðalsteinsdóttir
Linda Rós - Ásta Árnadóttir - Pála Marie Einarsdóttir - Hallbera Guðný
Dóra María Lárusdóttir
Katrín Jónsdóttir - Guðný Björk Óðinsdóttir
Rakel Logadóttir - Margrét Lára Viðarsdóttir - Vanja Stefanovic