Heimild: Sky 

Ronaldo þarf nú að taka út 3ja leikja bann vegna viðskipta sinna við Richard Hughes varnarmann Portsmouth á miðvikudaginn.

Þó Ferguson hafi ekkert yfir brottvísunninni að kvarta hjá Steve Bennet dómara leiksins sé hann alveg viss um að Ronaldo hafi verið ögrað í verknaðinn. Hann vill meina að Bennet hafi gert mistök með því að dæma ekki á RIchard Hughes áður en Ronaldo skallaði hann.

Hann sé einnig viss um að ef dómarar fara ekki að taka harðar á tveggja fóta og alvarlegum tæklingum muni Ronaldo verða fyrir alvarlegum meiðslum í ár.

,,Ég held að hann(Bennet) hafi fallið í 100 ára gamalt fótboltabragð að gerandinn fær minni refsingu heldur en þolandinn," sagði Ferguson á blaðamannafundi og bætti við.

,,Að sjálfsögðu féll hann(Ronaldo) í gildruna aftur, sérstaklega þar sem þetta var sami dómarinn og rak hann út af fyrir tveimur árum gegn City þegar það var búið að sparka hann niður um allan völl."

,,Þetta er hörð lexía fyrir strákinn. Ég veit ekki eftir hvaða fyrirmælum dómarar fara nú til dags sérstaklega þar sem það virðist engin refsing vera fyrir of seinum og hættulegum tæklingum."

,,Hvort sem þeir fá fyrirmæli um að leyfa þetta veit ég ekki en ég hélt að þessir hlutir væru alveg að hreinu. Tæklingar sem koma of seint eiga að vera bannaðar."