Heimild: Football365
Franskir fjölmiðlar greindu frá því í gær að Ragnar Sigurðsson, leikmaður IFK Gautaborgar í Svíþjóð, sé undir smásjá stórliðsins Bordeaux.
Þess er getið að forráðamenn Bordeaux verða að vera snarir í snúningum vegna þess að fjölmörg lið á Englandi og Ítalíu eru að undirbúa tilboð í varnarmanninn sterka.
Ennfremur er greint frá því að franska liðið Sochaux hafi fylgst náið með Ragnari í sumar, eins og Fótbolti.net hefur áður greint frá, og að fyrrum Fylkismaðurinn hafi ekkert á móti því að flytjast til Frakklands.
Umboðsmaður Ragnars, Arnór Guðjohnsen, lék með Bordeaux í upphafi tíunda áratugarins.
Athugasemdir
