Fótbolti.net

fös 02. nóvember 2007 13:10

Hafliði Breiðfjörð

Íslendingar með frægum fótboltamönnum

Í dag hefst að nýju eftir árs hlé vikulegur liður á Fótbolta.net, Íslendingar með frægum fótboltamönnum. Þar eru birtar myndir af Íslendingum með frægum fótboltamönnum. Öllum er frjálst að senda okkur inn myndir af sér með frægum fótboltaköppum og á hverjum föstudegi birtum við átta nýjar slíkar myndir.

Sendu okkur mynd af þér og frægum fótboltakappa og láttu fylgja með smá texta um hvenær og hvar þú hittir hann og jafnvel mjög stutta sögu af því þegar þú hittir hann. Á næstu vikum munum við svo birta myndina hér á síðunni. Allar myndir sem sendar eru verða birtar.

Sendið myndir á [email protected] Athugið að Fótbolti.net áskilur sér rétt til að nota allar myndirnar sem sendar eru til birtinga á www.fotbolti.net. Öllum er frjálst að senda inn myndir af sér með frægum fótboltamanni er er það einnig algjörlega óháð því hversu gömul myndin er.

Hér að neðan má sjá nýjasta skammtinn af myndum af Íslendingum með frægum fótboltaköppum. Hér eftir munum við svo birta aðsendar myndir á hverjum föstudegi.

Myndir birtar föstudaginn 2. nóvember 2007

Jóhann Bjarnason og Bergur ásamt John Terry leikmanni Chelsea.		Bragi Hinrik Magnússon og Leroy Lita, leikmaður Reading, hittust eftir leik Reading og Stoke á síðasta tímabili og áttu gott spjall um boltann, sérstaklega þó þá Ívar Ingimarsson og Brynjar Björn Gunnarsson.

Þessar 2 myndir eru teknar í byrjun mars 2006 en þá fór Sigurður Gíslason í draumaferðina á Anfield. Hann var orðinn mikið veikur á þessum tíma og lést 6 vikum síðar þann 15. apríl. Hann fór með föður sínum á á leik Liverpool og Charlton, og eftir leik fengu þeir feðgar ásamt Sigursteini Fyrrverandi formanni Liverpool klúbbsins á Íslandi að fara inn á players lounge og hitta leikmenn Liverpool. Þar inni er myndavélabann sem þeir virtu þó þá hafi klæjað mikið að fá að taka nokkrar myndir í þessu návígi við stjörnurnar. En Hermann Hreiðarsson kom þarna inn og færði þeim treyju sína og Cisse. Þegar þeir voru að yfirgefa staðinn fengu þeir Hermann til að stilla sér upp með Sigga. Að sjálfsögðu var skroppið inn á Park og þar tók Pete Samparas á móti þeim og er hann einmitt með Sigga á annarri myndinni. ,,Þessi maður er algjör perla og gerði mikið fyrir okkur þarna í ferðinni," sagði Gísli.

Frá vinstri: Magrét Jústa, Vera Björt, Edgar Davids, Þórunn Elísabet, Hildur Sif og Helga. Þær hittu kappan í Brussel en Þórunn hefur um árabil verið mikill áðdáandi Tottenham þar sem Davids lék á þeim tíma.		Feðgarnir Tryggvi og Jón Þór Tryggvason með Martin Keown á Emirates, fyrir leik með Arsenal á móti Sheffield Wednesday.

Brynjar Ingi Bjarnason ásamt Sveppa og Eiði Smára fyrir lokahóf Essómótsins 2005 þar sem Eiður var að afhenda verðlaun.		Óli Hall hitti Luca Toni á veitingastað á Ítalíu í fyrra og þaðan er þessi mynd tekin.
Myndir birtar föstudaginn 6. október 2006

Fannar Máni Fjalarsson og Hróbjartur Pálsson á Skagamóti 7.flokks 2006 ásamt landsliðsfyrirliðanum Eiði Smára sem leikur með Barcelona.		Fannar Máni Fjalarsson ásamt Xabi Alonso leikmanni Liverpool en myndin er tekin er spænska landsliðið kom hingað til lands í sumar.

Fannar Máni Fjalarsson á þrjár myndir í dag. En hér er hann ásamt Iker Casillas markverði Real Madrid og spænska landsliðsins í Laugardalnum í sumar.		Daníel Tryggvi Daníelsson ásamt Fernando Torres leikmanni Spænska landsliðsins og Atlético de Madrid, þegar að Spánverjar komu hingað til lands og gerðu jafntefli við okkur á Laugardalsvellinum. Ástæðan fyrir því að hann valdi bara að fá mynd með honum en ekki einhverjum öðrum eins og Raul, Reyes, Fabregas eða einhverju öðrum er sú að hann var að vonast til að hann myndi ganga til liðs við Manchester United og þar sem að hann er dyggur stuðningsmaður þeirra þá fannst honum gaman að eiga kannski mynd af sér með þessum hugsanlega verðandi leikmanni United.

Á Myndinni eru Örn Rúnar Magnússon til vinstri, Hermann Hreiðarsson og Andri Magnússon , en þessi mynd er tekin á The Valley. Myndin var tekin 17. april eftir leik Charlton og Portsmouth. Eftir leikinn skelltu bræðurnir sér ásamt foreldrum og systur sér í mat hjá Hermanni um kvöldið.		Björn Ingi Ásgeirsson, Guðrún Ósk og E. Charlotta hittu besta fótboltamann heims, Ronaldinho, á flugvellinum í Barcelona árið 2004 en þar er þessi mynd tekin.

Sigurjón Gísli Rúnarsson og frændi hans Ágúst Halldór Viðarsson fóru á HM í sumar og sáu Holland-Serbíu í Leipzig. Daginn fyrir leik (10.júní) voru þeir í fótbolta út í garði við hótelið sitt og þá kom sjálfur Albert Ferrer (Spánn, Barcelona, Chelsea) á jogginu og spyr hvort hann megi vera með. Hann spilaði 1on1 við þann stutta og allir skemmtu sér vel. Myndirnar þrjár eru teknar við það tækifæri.
Myndir birtar föstudaginn 29. september 2006

Sigurgeir Bárðarson ásamt Steven Gerrard fyrirliða Liverpool eftir 3-0 sigur á Tottenham um helgina.		Guðmundur Örn Bárðarson ásamt John Arne Riise eftir 3-0 sigur Liverpool á Tottenham um helgina.

Kristján Gestsson ásamt John Terry fyrirliða Chelsea eftir leik Chelsea og Everton 17. apríl síðastliðinn. Terry var á röltinu fyrir utan Chelsea hótelið þegar KRistján hitti hann, spjallaði við hann og fékk að taka myndir.		Sölvi Þrastarson á góðri stundu með Ruud Gullit þegar þeir hittust. Sölvi hitti hann í skoðunarferð sinni á San Siro sumarið 2001. Varð strax vel til vina með köppunum og vonast þeir til að hittast aftur í bráð. Gullit var þögull enda bara eftirlíking af þessum magnaða knattspyrnumanni.

Brynjar Ásgeir Guðmundsson og Þór Willemous Petersen hittu Jose Reina á EstEstEst sem er frægur veitingastaður í Liverpool og gaf Reina sér tíma í að spjalla við föður Brynjars, Guðmund Árna Stefánsson sendiherra Íslands í Svíþjóð en hann tók myndina		Birgir Örn Birgisson hitti uppáhaldsleikmanninn sinn Tim Cahill hjá Everton er hann var staddur í Liverpool borg í mars. Hann var í viðskiptaferð þar í borg og á leið sinni út af hótelinu áleiðis á fund mætti hann Cahill. Birgir sem er Everton maður fram í blá/hvítan dauðann áttaði sig ekki strax á hver þar færi og missti af honum inní lyftuna. ,,En ég vissi að hann kæmi aftur út...svo ég hringdi og frestaði fundinum sem ég var að fara á og settist í lobbyið og beið. Svo liðlega klukkustund seinna kom hetjan og brást mjög vel við þegar ég bað um mynd. Algjört ljúfmenni," sagði Birgir.

Gabríel Ingi, Eiður smári og Eyrún Rakel eru hérna með Eið Smára Guðjohnsen fyrirliða íslenska landsliðsins eftir leik Chelsea gegn Middlesboro á síðustu leiktíð. Þar sem Gabríel er mikill Chelsea aðdáandi og var ekki verst þegar hann fékk að sjá allar stór stjörnurnar í Chelsea. Bæði er þau að æfa fótbolta og er Eyrún að æfa með Fylki úr Árbænum og er litli bróðir hennar að æfa með Þrótti úr Laugardalnum.		Hinrik Jóhannesson hitti Hristo Stoichov fyrrum stjörnu í búlgarska landsliðinu er hann var í sumarfríi í sumar og fékk að taka mynd af sér með honum. Myndin er tekin 22. júní síðastliðinn.

Hjörleifur Þórðarson hitti Nesta á æfingu ítala á æfingu þeirra á Laugardals velli fyrir leik þeirra gegn íslandi fyrir tveimur árum.		Kristján Gestsson hitti Shaun Writht Phillips á Chelsea hótelinu eftir leik Chelsea og Everton 17. apríl síðastliðinn.
Myndir birtar föstudaginn 22. september 2006

Viktor Karl Ævarsson ásamt með Bobby Robson, þá stjóra Newcastle. Myndin var tekin 15. september 2001 fyrir utan búningsklefa leikmanna á St. James’ Park, eftir sigurleik Newcastle á Manchester, en lokastaða var 4-3 fyrir heimamönnum. Maðurinn á bakvið er öryggisvörður Newcastle, sem var eitthvað tortrygginn af því faðir Viktors hljóp til Bobby’s og bað um mynd. Faðir hans er mikill maður og þegar hann hljóp til hans komu nokkrir verðir út, t.d. þessi á myndinni.		Samuel Ochineg Brooklyn Sewe og Viðar Kjartansson ásamt Kolo Toure leikmanni Arsenal og Fílabeinsstrandarinnar. Myndin er tekin á síðasta ári eftir leik Arsenal og Manchester City í ensku úrvalsdeildinni. Leiknum lauk með 1-1 jafntefli en þeir félagar náðu einnig mynd af sér ásamt Patrick Vieira sem hefur birst áður.

Kristófer Jónsson, 10 ára, fór með pabba sínum á Old Trafford í nóvember síðastliðnum og sá sína menn í Man Utd vinna Chelsea 1-0. Á flugvellinum í Manchester hitti hann Ji-Sung Park leikmann United og fékk að stilla sér upp með honum fyrir myndatöku.		Daníel Freyr Jónsson, ásamt Teddy Sheringham en hann hitti Teddy fyrir leik Wigan og West Ham á síðustu leiktíð. Teddy og menn eins og Harewood, Reo Coker og fleiri voru á röltinu úti á velli næstum klukkutíma fyrir leik og gáfu sér fínan tíma í að gefa áritanir stilla sér upp með honum og örfáum öðrum strákum. Daníel heldur með Man Utd og vildi því helst fá mynd af sér með Teddy heldur en öðrum leikmönnum enda spilaði hann um tíma þar.

Þórður Gunnarsson ásamt Arnari Gunnlaugssyni fyrrum atvinnumanni erlendis sem í dag er spilandi þjálfari ÍA. Myndin er tekin á góðri stundu hjá þeim félögum á Hverfisbarnum.		Aron Ívarsson ásamt tékkneska markverðinum Petr Cech sem leikur með Chelsea eftir 2-1 tapleik enska liðsins gegn Barcelon í Meistaradeild Evrópu á síðustu leiktíð.

Jón Óli, Brynjar Örn, Sigursteinn (formaður Liverpool klúbbsins) Steven Gerrard og Sigurður Reynisson að afhenda Gerrard verlaun fyrir að hafa verið valinn leikmaður ársins hjá liverpool klúbbnum á Íslandi fyrir tímabilið 2003-2004. Myndin er tekin eftir leik Liverpool-Everton 18.03.2005 þar sem Liverpool vann leikinn 2-1 á Anfield.		Gunnar Þorsteinsson ásamt goðinu sínu Matt LeTissier. Myndin er tekin eftir leik Southampton og Liverpool 22. jan 2005 sem endaði 2-0 fyrir Southampton.
Myndir birtar föstudaginn 28. apríl 2006