Hvað segir Guðlaugur?
Guðlaugur Baldursson er sérstakur álitsgjafi okkar um Landsbankadeild karla. Guðlaugur er þjálfari ÍR sem leikur í 2. deildinni og gerði liðið að Reykjavíkurmeisturum fyrr í vetur. Hann hefur áður þjálfað ÍBV í Landsbankadeildinni.

Hér að neðan má sjá álit Guðlaugs á Fylki.

Um Fylkir:
Fylkismenn spiluðu vel lungan af mótinu í fyrra og hafa náð að að festa sig við efri hluta deildarinnar. Það verður virkilega gaman að sjá þá í sumar, hvernig þeir koma inn í mótið. Í viðbót við þann kjarna sem hafa verið undanfarin ár hafa þeir náð sér í flotta leikmenn sem fróðlegt verður að fylgjast með. Fylkismenn voru í vandræðum með að skora mörk í fyrra og hafa verið að leita eftir mönnum sem geta bæði búið til fyrir þá mörk og skorað þau. Athyglisvert verður að sjá hvernig þeim tekst til þar og ræður úrslitum um hvort þeir ná að blanda sér í toppbaráttuna af alvöru. Jeffs gæti búið til mörk fyrir bæði Allan Dyring, Jóhann Þórhallsson og fleiri góða menn.

Styrkleikar:
Þeir eru með svipaðan hóp og sama kjarna og virðast vera búnir að ná góðum tökum á þeim varnarleik sem er verið að leggja fyrir þá. Það verður þeirra styrkur.

Veikleikar:
Veikleikinn er hinum megin að þeir hafa ekki verið að skora nógu mikið af mörkum, en það er spurning um hvort þeir séu búnir að finna lausnina á því. Þeirri spurningu svara þeir leikmenn menn sem hafa verið fengnir til liðsins til að skora og búa til mörk.

Gaman að fylgjast með:
Ég held það verði virkilega gaman að fylgjast með manni eins og Ian Jeffs sem er frábær leikmaður og gæti sprungið út í sumar. Hann gerði gríðarlega góða hluti fyrir ÍBV á þeim tíma sem hann var þar og þegar hann kom heim til baka í fyrrasumar og spilaði með Eyjamönnum þá gerbreytti hann því liði til hins betra.

Lykilmaður:
Menn eins og David Hannah sem virðist vera gríðarlegur karakter og gefa liðinu mikin styrk og fítonskraft ásamt Guðna Rúnari Helgasyni eru lykilmenn í Fylkisliðinu.

Þjálfarinn:
Leifur Garðarsson þjálfar nú Fylki þriðja árið í röð en hann tók við liðinu haustið 2005. Leifur hafði áður verið aðstoðarþjálfari FH í þrjú  tímabil þar á undan þegar FH endaði í 2. sæti fyrsta árið og varð Íslandsmeistari næstu tvö á eftir.

Leifur sem er skólastjóri í Áslandsskóla í Hafnarfirði hefur einnig starfað við þjálfun hjá KR þar sem hann sá um yngriflokkastarf fyrir nokkrum árum. Hann var um árabil einn besti körfuboltadómari landsins en hætti því þegar annir fóru að aukast.

Undir stjórn Leifs endaði Fylkir í fjórða sæti Landsbankadeildarinnar í fyrra og tekur því þátt í Intertoto keppninni þetta árið.
.

Líklegt byrjunarlið Fylkis í upphafi móts: