Í dag birtum við niðurstöðurnar úr B-riðli en þjálfararnir og fyrirliðarnir röðuðu liðunum í 1-5.sæti og fékk liðið í fyrsta sæti 5 stig, liðið í öðru sæti 4 stig og svo koll af kolli. Ekki var hægt að velja sitt eigið lið í spánni.

Spá fyrirliða og þjálfara í C-riðli:
1. Ýmir 42 stig
2. Augnablik 39 stig
3. Skallagrímur 37 stig
4. KB 34 stig
5. Snæfell 17 stig
6. Afríka 11 stig

---

1. Ýmir
Heimavöllur: Fagrilundur
Ýmir, varalið HK, hefur leikið í þriðju deildinni undanfarin ár en í fyrra endaði liðið í 7.sæti í A-riðli. Nokkrar breytingar hafa verið á liði Ýmis í vetur en liðið er nú að mestu skipað leikmönnum á aldrinum 22-19 ára. Í vetur var árangurinn góður en liðið sigraði C-deild Lengjubikarsins og er til alls líklegt í sumar.

2. Augnablik
Heimavöllur: Smárahvammsvöllur
Augnablik hafði á sterku liði að skipa í fyrra og var ekki langt frá sæti í úrslitakeppninni. Hins vegar mun liðið ná að komast í úrslitakeppnina ef spáin rætist að þessu sinni. Reynsluboltinn Hákon Sverisson er ennþá við stjórnvölinn en reynslan lekur af honum. Liðið er að mestu skipað ungum leikmönnum sem eru uppaldir í Breiðablik og þá hafa nokkrir leikmenn úr öðrum flokki Blika fengið að spreyta sig með liðinu.

3. Skallagrímur
Heimavöllur: Borgarnesvöllur
Heimasíða: http://www.skallagrimur.is/
Borgnesingar enduðu í þriðja sæti í C-riðli í fyrra og í ár er liðinu spáð sama sæti. Nokkrar breytingar hafa orðið hjá Sköllunum í vetur, breiddin er orðin meiri og nokkrir leikmenn hafa komið til liðsins frá Akranesi eftir að lið Kára var lagt niður. Varnarjaxlinn Jakob Hallgeirsson hefur síðan tekið við þjálfuninni og nokkrir reynsluboltar munu leika með liðinu í sumar.

4. KB
Heimavöllur: Leiknisvöllur
KB er á sínu öðru starfsári en liðið er varalið fyrir Leikni R. Nokkrir leikmenn sem léku með Leikni síðastliðið sumar hafa gengið til liðs við KB en óvíst er þó hversu mikið þeir munu leika með liðinu í sumar. Gengi liðsins veltur þónokkuð á því hve mikið þessir "reynslumeiri" menn munu koma við sögu í sumar.

5. Snæfell
Heimavöllur: Stykkishólmsvöllur
Heimasíða: http://www.snaefell.is/
Snæfellingar enduðu í næstneðsta sæti í B-riðli í fyrra og næstneðsta sætið verður einnig niðurstaðan í ár samkvæmt spánni. Liðið sigraði Afríku tvívegis í fyrra en fyirrliðar og þjálfarar liða í C-riðli telja að þessi tvö lið verði einnig að berjast á botni riðilsins í ár.

6. Afríka
Heimavöllur: Gervigrasvöllurinn í Laugardal
Afríka hefur leikið í þriðju deild frá árinu 2003 en í fyrra var uppskeran nokkuð rýr, einn sigurleikur og neðsta sætið í B-riðli. Sá sigurleikur kom gegn GG á gervigrasvellinum í Laugardal en reyndar gerði liði einnig 1-1 jafntefli við KV en úrslitunum var síðar breytt 3-0 Vesturbæingum í vil.

Sjá einnig:
Spá fyrirliða og þjálfara fyrir A-riðil
Spá fyrirliða og þjálfara fyrir B-riðil
Spá fyrirliða og þjálfara fyrir C-riðil
Spá fyrirliða og þjálfara fyrir D-riðil
Spá fyrirliða og þjálfara: Hvaða tvö lið fara upp?