Heimild: Verdens Gang
Birkir Már Sævarsson
Mons Ivar Mjelde, þjálfari Brann, væntir mikils af Birki Má Sævarssyni sem mun að öllum líkindum ganga til liðs við félagið í næstu viku og velkist ekki í vafa um að hann komi til með að vaxa og dafna hjá félaginu.
,,Hann fær tvær vikur til þess að kynnast nýju liðsfélögunum á æfingum,” sagði Mjelde í samtali við Verdens Gang í gær og lagði áherslu á að hann komi til með að veita reyndari leikmönnum í liðinu samkeppni frá fyrsta degi.
,,Hann er fljótur leikmaður og er yfirvegaður þegar hann er með boltann. Þá hefur reynslan með íslenska landsliðinu einnig bætt hann mikið.”
