Heimild: Sky
Liverpool hefur gengið frá kaupunum á Andrea Dossena vinstri bakverði Udinese.
Þessi 26 ára gamli leikmaður hefur gert fjögurra ára samning við Liverpool en talið er að kaupverðið hljóði upp á sjö milljónir punda.
Dossena er annar leikmaðurinn sem kemur til Liverpool í sumar en áður hafði svissneski bakvörðurinn Philipp Degen skrifað undir samning við félagið.
Dossena mun berjast við Fabio Aurelio um sæti í byrjunarliði Liverpool en John Arne Riise yfirgaf félagið á dögunum og fór til Roma.
Dossena á einn A-landsleik að baki með Ítölum en hann skoraði tvö mörk í 63 leikjum á ferli sínu með Udinese.
