Heimild: Vefsíða UEFA
Nú er það orðið ljóst að kvennalið Vals er fallið úr leik í Evrópukeppni kvenna þetta árið en það varð endanlega ljóst eftir að sænska liðið Umeå burstaði Alma frá Kazakhstan 6-0 um miðjan dag í gær.
Í gærmorgun hafði Valur tapað 2-3 fyrir Bardolino frá Verona á Ítalíu eftir að hafa tapað fyrsta leik sínum gegn Umeå 5-1.
Því varð liðið að treysta á að Umeå tapaði leiknum gegn Alma í gær og lokaleik sínum gegn Bardolonio en svo fór ekki og þar með ljóst að Valur er úr leik.
Valsstúlkur eiga þó einn leik eftir í milliriðlunum sem er gegn Alma og fer fram á þriðjudaginn. Það lið sem vinnur þann leik mun enda í þriðja sæti í riðlinum en Umeå og Bardolino eru þegar komin áfram í átta liða úrslit.
