Zlatan Ibrahimovic skoraði tvö mörk í kvöld
Roma 0 - 4 Inter Milan
0-1 Z. Ibrahimovic ('5)
0-2 Z. Ibrahimovic ('47)
0-3 D. Stankovic ('54)
0-4 V. Obinna ('56)
0-1 Z. Ibrahimovic ('5)
0-2 Z. Ibrahimovic ('47)
0-3 D. Stankovic ('54)
0-4 V. Obinna ('56)
Stórleikur helgarinnar í ítalska boltanum fór fram í kvöld á Ólympíuleikvanginum í Róm þegar heimamenn í Roma tóku á móti meisturum Inter Milan.
Roma sem lenti í öðru sæti á síðasta tímabili hefur byrjað ákaflega illa á þessari sparktíð og þurfti nauðsynlega að ná í stig gegn Ítalíumeisturunum. Þrír ósigrar gegn Palermo, Genoa og Siena gera það að verkum að liðið er í neðri hluta deildarinnar.
Francesco Totti fyrirliði Rómverja var í byrjunarliði liðsins eftir að hafa þurft að gangast undir aðgerð í sumar. Það hafði því miður lítið að segja fyrir heimamenn því hinn sænski Zlatan Ibrahimovic kom gestunum yfir strax á fimmtu mínútu.
Ófarir Roma héldu áfram í upphafi síðari hálfleiks þegar leikmenn Inter skoruðu þrjú mörk á níu mínútna kafla og dagskránni einfaldlega lokið fyrir Rómverja.
Jose Mourinho er því kominn með Inter Milan í toppsæti deildarinnar en þar situr liðið með 16 stig eftir 7 umferðir. Þrjú lið eru í öðru sæti með 14 stig en það eru Udinese, Catania og Napoli.
Liðsmenn Roma sitja hins vegar í 14. sæti deildarinnar með 7 stig og er það langt frá því að vera ásættanlegur árangur miðað við frábært gengi liðsins á síðustu leiktíð.
Athugasemdir
