Margrét Lára afhendir Önnu Ólafíu Sigurðardóttir, sviðsstjóra hjúkrunar styrkinn frá TM í Leikstofu Barnaspítalans.
Tryggingamiðstöðin hf. (TM) ákvað að þessu sinni að senda ekki jólakort til viðskiptavina sinna og velunnara, heldur verja þeirri fjárhæð sem þannig sparaðist til að styrkja gott málefni.
Að þessu sinni var ákveðið að styrkja barnaspítala Hringsins. Við afhendingu styrksins var Margrét Lára Viðarsdóttir, íþróttamaður ársins 2007 með í för. Hún veitti börnunum eiginhandaráritanir og ýmsar aðrar gjafir.
,,Ég lofaði sjálfri mér því þegar ég tók við verðlaunum sem íþróttamaður ársins 2007, að ég myndi reyna að láta gott af mér leiða á árinu," sagði Margrét Lára við þetta tilefni.
,,Þegar stjórnendur TM höfðu samband við mig fannst mér þetta fín hugmynd og við ákváðum að slá tvær flugur í einu höggi, styrkja gott málefni og heilsa uppá börnin."
Athugasemdir
