Blyth Spartans sem leikur í ensku utandeildinni mætir Blackburn Rovers í þriðju umferð enska bikarsins á Croft Park klukkan 20:00 í kvöld.
Blyth Spartans sló Bournemouth óvænt út í annarri umferð bikarsins og fær nú tækifæri til að leika við úrvalsdeildarlið Blackburn.
108 sæti skilja liðin að í ensku deildarkeppninni og Sam Allardyce stjóri Blackburn ætlar að gera nokkrar breytingar á byrjunarliði sínu í kvöld og gefa nýjum leikmönnum tækifæri.
Sigurvegarinn úr viðureigninni í kvöld mun mæta Sunderland á útivelli í fjórðu umferð bikarsins síðar í þessum mánuði.
