Heimild: AFP
David Villa framherji Valencia segist vilja leika með félaginu næstu sex árin og klára þannig samning sinn.
Villa, sem er 27 ára, hefur verið orðaður við Manchester City en hann segist ekki hafa áhuga á að fara frá Valencia.
Í yfirlýsingu á heimasíðu Valencia í dag kemur fram að Villa vilji klára sex ára samninginn sem hann gerði við félagið síðastliðið sumar.
Villa hefur verið iðinn við kolann í vetur en hann skoraði í 3-1 sigri á Atletico Madrid í gærkvöldi og hefur nú gert þrettán mörk á leiktíðinni.
