Heimild: Sky
Brasilíski bakvörðurinn Cicinho er ekki á förum frá Roma og ekkert er til í þeim sögusögnum að Chelsea hafi sýnt honum áhuga að sögn Ricardo Sarti umboðsmanns leikmannsins.
Þessi 28 ára gamli leikmaður hefur einungis leikið átta leiki á tímabilinu og hefur verið orðaður við nokkur félög að undanförnu, þar á meðal Chelsea.
,,Hér í Brasilíu sagði ég fjölmiðlum að hann vilji vera áfram hjá Roma," sagði Sarti við Corriere dello Sport á Ítalíu.
,;Varðandi áhuga Chelsea þá hef ég einungis lesið um það í dagblöðum. Ég talaði við Cicinho og hann er rólegur."
,,Í Brasilíu eru þeir meira að segja að tala um áhuga frá Santos og Internacional en það er ekkert til í því, hann vill einungis spila fyrir Roma."
