Heimild: Setanta
Svíinn Henrik Larsson mun ekki ganga til liðs við franska félagið Marseille sem hefur átt viðræður við framherjann en ákvað að hætta við í dag. Larsson er einnig í viðræðum um framlengingu við Helsingsborgs í heimalandinu.
Marseille tilkynnti í dag að Larsson hafi tekið sér of mikinn tíma til að taka ákvörðun og vegna þessa hafi félagið ákveðið að hætta viðræðum.
Everton er talið hafa mikinn áhuga á að næla í Larsson sem lék til skamms tíma með Manchester United í ensku úrvalsdeildinni.
,,Félagið hefur ákveðið að hætta í dag viðræðum við Henrik Larsson um að ganga í raðir Marseille," sagði í yfirlýsingu franska félagsins.
,,Félagið virðir það að sænski framherjinn vilji taka sér tíma áður en hann tekur ákvörðun en Marseille getur ekki beðið lengur og mun því skoða aðra möguleika."
