Guðjón Baldvinsson framherji GAIS hræddi liðsfélaga sinn Eyjólf Héðinsson á dögunum þegar að sænska félagið var í æfingabúðum í Los Angeles.
Guðjón setti á sig grímu og ákvað að hrekkja Eyjólf sem var herbergisfélagi hans í ferðinni en myndband af atvikinu má sjá neðar í þessari frétt.
Hrekkurinn tókst vel en Eyjólfi brá mikið enda bjóst hann ekki við að sjá mann með grímu þegar hann var í sturtu inni á hótelherbergi.
Þetta er ekki í fyrsta sinn sem Guðjón hrekkir liðsfélaga sína því hann gerði það einnig í U21 árs landsliðinu fyrir tveimur árum.
Þá varð Eyjólfur einmitt einnig fyrir barðinu á "grímumanninum" en Guðjón hræddi einnig Rúrik Gíslason og Bjarna Hólm Aðalsteinsson.
Myndband af hrekkjum Guðjóns í U21 árs landsliðinu (Frá 2007)
