Heimild: Sky 

Frammistaða hans hjá Liverpool á tímabilinu hefur þó ekki vakið mikla hrifningu og efast margir um getu hans til að berjast við þá Xabi Alonso og Javier Mascherano um stöðu sína á miðjunni.

Rafa Benítez knattspyrnustjóri Liverpool virðist hafa mikla trú á þessum fyrrum leikmanni Gremio en þessi miðjumaður viðurkennir þó að hann geti ekki haldið áfram að verma varamannabekkinn ef hann vill eiga sér stað í framtíðaráformum Carlos Dunga landsliðsþjálfara Brasilíu.

„Mér finnst ég hafa spilað mikið en samkeppnin um byrjunarliðssæti er mjög mikil hérna,“ sagði Lucas.

„Þetta veldur mér ekki miklum áhyggjum en markmið mitt hefur samt alltaf verið að spila til að ganga úr skugga um að ég komist aftur í landsliðið.“

„Þegar tímabilinu lýkur verð ég að skoða hvaða möguleiki er bestur í stöðunni fyrir mig. Heimsmeistaramótið er á næsta ári og ég verð að berjast fyrir því að fá tækifæri til að taka þátt í því og maður verður að fá að spila til að verða valinn í liðið.“

Lucas hefur misst sæti sitt í liði Brasilíu eftir að hafa verið valinn nokkrum sinnum og segist hann ekki vita hvers vegna Dunga ákvað að velja hann ekki.

„Ég get ekki útskýrt hvað gerðist en Dunga tekur sínar ákvarðanir,“ sagði hann.

„Ég var í hópnum í seinustu fjórum leikjum í undankeppni HM og ég spilaði gegn Bólivíu þegar liðið átti frekar slæman leik.“

„Ég held að ég sé á lista í 30 eða 40 manna hópi en ég er ekki í 22 manna hópnum sem stendur.“