Heimild: Goal.com
Fabio Capello landsliðsþjálfari Englendinga hefur sagt við fjölmiðla að Rio Ferdinand miðvörður Manchester United hafi yfirgefið æfingabúðir enska landsliðsins meiddur eftir að hafa haltrað af velli í leiknum gegn Úkraínu á miðvikudag.
Capelllo gat ekki útskýrt hvers eðlis meiðslin eru og setti það í hendur félagsins að tilkynna það. Hann sagði líklegt að varnarmaðurinn sé tognaður á nára sem hefur angrað hann áður. Í ljósi þessa er Ferdinand tæpur fyrir leikinn gegn Aston Villa á sunnudag.
,,Hann verkjaði svolítið og ég verð að tala við lækninn," sagði Capello við fjölmiðla en Ferdinand fer nú í skoðun hjá læknum Man Utd áður en ákveðið verður hvort hann verði með um helgina.
Áður var ljóst að Nemanja Vidic missir leiknum vegna leikbanns .
Athugasemdir