Stefán Logi í leik gegn Larissa á dögunum.
Norska félagið Lilleström er á höttunum á eftir Stefáni Loga Magnússyni markverði KR.
Kristinn Kjærnested formaður KR-inga staðfesti við Fótbolta.net í kvöld að þreifingar séu í gangi á milli félaganna.
Lilleström er í leit að markverði en Gunnleifur Gunnleifsson landsliðsmarkvörður var meðal annars á reynslu hjá félaginu í síðustu viku.
Síðastliðinn vetur reyndi norska félagið að krækja í Stefán Loga en án árangurs.
Stefán Logi kom til KR fyrir sumarið 2007 en hann var fljótur að vinna sér sæti í byrjunarliðinu hjá Vesturbæjarliðinu. Hann hefur haldið því sæti síðan þá og staðið sig með prýði.
Athugasemdir
