Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   þri 26. janúar 2010 18:54
Hafliði Breiðfjörð
Heimild: Daily Mail 
Daily Mail segir Eið Smára hafa samið við West Ham
Mynd: Fótbolti.net - Vilhjálmur Siggeirsson
Enska dagblaðið Daily Mail fullyrti í kvöld á vef sínum að West Ham United muni ganga frá samningum við Eið Smára Guðjohnsen á næsta sólarhringnum.

Blaðið segir að Eiður Smári komi á frjálsri sölu til West Ham en hann er sagður hafa komist að samkomulagi við West Ham um kaup og kjör.

Eiður Smári hefur farið í gegnum hörmungartímabil hjá Monaco í Frakklandi síðan hann gekk til liðs við það félag síðasta sumar. Hann hefur lítið spilað og ýmist verið á bekknum eða utan hóps.

Samtals nær hann 11 leikjum hjá Monaco, þar af sex deildarleikir í byrjunarliði og á þeim tíma náði hann ekki að skora mark.

Hjá West Ham hittir hann fyrir Gianfranco Zola fyrrverandi liðsfélaga sinn hjá Chelsea en Ítalinn er knattspyrnustjóri West Ham.

Arnór Guðjohnsen faðir og umboðsmaður Eiðs Smára hefur ekki svarað símtölum fjölmiðla undanfarnar vikur en þó má geta þess að þegar hringt er í númer hans kemur erlend hringing svo ef frétt Daily Mail er rétt gæti verið að hann sé á Englandi að semja fyrir son sinn.
Athugasemdir
banner
banner
banner