Hið árlega Drottningamót ÍR og Olís verður haldið laugardaginn 17. apríl 2010.
Drottningamótið er ætlað knattspyrnudrottningum sem náð hafa 25 ára aldri og eru ekki spilandi með meistaraflokkum félagsliðanna. Þetta er í fjórða skiptið sem mótið er haldið og er stefnt á skemmtilegt og veglegt mót að vanda.
Tekið verður á móti liðunum í ÍR-heimilinu og leikmönnum boðið upp á rjúkandi te og rist klukkan 09:00, en að morgunhressingu lokinni verður mótssetning klukkan 10:30 og í beinu framhaldi hefjast leikar á gervigrasi ÍR.
Mótslok eru áætluð um klukkan 16:00 með verðlaunaafhendingu. Um kvöld verður síðan skemmtun í hátíðarsal ÍR-heimilisins.
Tekið er við skráningu liða fram til 5. apríl á póstfangið [email protected] og þangað er einnig hægt að senda fyrirspurnir um mótið.
Þátttökugjald er 2500 kr. á leikmann og greiðist fyrir 9. apríl.
Upplýsingasíða mótsins á netinu er http://drottningamotid.blogcentral.is/
